ប្រទេសឥណ្ឌា ៖ យោងតាមការចេញផ្សាយ នៅថ្ងៃព្រហស្បតិ៍ បានឲ្យដឹងថា ការបំពុលបរិយាកាសដោយខ្យល់កង្វក់ បានសម្លាប់មនុស្សមុនអាយុប្រមាណប្រហែល ៥៤.០០០ នាក់ នៅក្នុងរដ្ឋ New Delhi កាលពីឆ្នាំមុន ដែលចំនួននៃអ្នកស្លាប់ទាំងនោះ ជាអត្រាខ្ពស់ជាងគេរវាងបណ្ដាក្រុងធំៗដទៃទៀត។
ការសិក្សារបស់ Greenpeace Southeast Asia Analysis និងក្រុមហ៊ុន Swiss firm IQAir បានវាស់ស្ទង់ពីគុណភាពខ្យល់ ដោយបានកត់ត្រាកំហាប់នៃភាគល្អិតជាមធ្យម ចំនួន PM២,៥ ក្នុងនោះមានជាតិពុលតិចជាង ២,៥ មីលីម៉ែត្រ ដែលអាចបណ្ដាលឲ្យមនុស្សមួយចំនួនស្លាប់បាន ដោយសារការកើតមានជំងឺមហារីក និងជំងឺបេះដូង ។
ការសិក្សាស្រាវជ្រាវមួយ បង្ហាញថា ក្នុងទីក្រុង Delhi ជាមធ្យមនៃ PM២,៥ អាចឈានដល់កម្រិតខ្ពស់បំផុត ក្នុងខែវិច្ឆិកា ខណៈពេល ដែលវាមានកំហាប់ខ្ពស់ជាងដែនកំណត់សុវត្ថិភាពរបស់អង្គការសុខភាពពិភពលោកចំនួន ៣០ដង។ដោយឡែក ក្នុងឆ្នាំ ២០១៩ មនុស្សចំនួន ១,៦៧ លាននាក់ បានបាត់បង់ជិវិតនៅក្នុងប្រទេសឥណ្ឌា ដោយសារខ្យល់ពុលនេះ។
តាមរបាយការណ៍ Avinash Chanchal ដែលជាអ្នកធ្វើយុទ្ធនាការអាកាសធាតុ Greenpeace India បាននិយាយថា ” ខ្យល់កង្វក់មួយ ដែលមានលទ្ធភាពអាចបណ្ដាលឲ្យមនុស្សស្លាប់បាន គឺដោយសារការកកើតនៃជំងឺមហារីក និងជំងឺដាច់សសៃឈាមខួរក្បាល រួមជាមួយនិងការវាប្រហារនៃជំងឺហឺតយ៉ាងធ្ងន់ធ្ងរ”។
ការបំពុលក្នុងទីក្រុង Delhi ស្ទើរតែបាត់បង់ទៅវិញទាំងស្រុងកាលពីដើមឆ្នាំមុន ខណៈពេលដែរាជរដ្ឋាភិបាលបានដាក់ចេញវិធានការទប់ស្កាត់នៅទូទាំងប្រទេស ប៉ុន្តែវានិងកើតឡើងម្ដងទៀតពេលដែលរដ្ឋាភិបាលដកការរឹតបណ្ដឹងនេះនៅចុងខែសីហា។
យោងតាមរបាយការន៍របស់រដ្ឋ Delhi ក្នុងឆ្នាំ ២០២០ បានឲ្យដឹងថា ជាមធ្យម PM២.៥ គឺមានជិត៦ដង នៃកម្រិតដែលអង្គការសុខភាពពិភពលោកបានកំណត់យកថា និងមានសុវត្ថិភាព។យ៉ាងណាមិញ ការបំពុលបរិយាកាសបានធ្វើឲ្យមនុស្សស្លាប់ចំនួន ២៥.០០០ នាក់ ក្នុងទីក្រុង Mumbai។
ប្រភព៖ Reuters
