កង្វះគ្រាប់ឈាមក្រហម គឺជាបញ្ហាសុខភាពគួរឱ្យព្រួយបារម្ភបំផុតមួយដែលបង្កផលប៉ះពាល់យ៉ាងច្រើន។ តែយើងក៏អាចបរិភោគអាហារមួយចំនួនខ្លះដែរ ដែលអាចជួយបំពេញគ្រាប់ឈាមក្រហមឱ្យយើង។ អាហារទាំងនោះមានដូចជា៖
១. ផ្លែទទឹម
មានផ្ទុកសម្បូរទៅដោយជាតិដែក រួមទាំងជាតិរ៉ែសំខាន់ៗផ្សេងទៀតដែលចាំបាច់សម្រាប់បង្កើនការផលិតកោសិកាឈាមក្រហមកាន់តែច្រើនក្នុងរាងកាយ។ លើសពីនេះទៅទៀត ទទឹមក៏ជាប្រភពដ៏ល្អបំផុតមួយនៃវីតាមីន C ដែលជួយបង្កើនសមត្ថភាពរាងកាយក្នុងការស្រូបយកជាតិដែក។
២. បន្លែបៃតង
ជាប្រភពដ៏ប្រសើរនៃអាស៊ីត folic វីតាមីន C ក៏ដូចជាជាតិដែក។ ដូច្នេះចូរព្យាយាមទទួលទានបន្លែបៃតង ប្រសិនបើអ្នកចង់ជៀសផុត ឬសះស្បើយពីបញ្ហាខ្វះគ្រាប់ឈាមក្រហម។
៣. ថ្លើម
មានផ្ទុកសម្បូរទៅដោយជាតិដែក រួមជាមួយវីតាមីននិងជាតិរ៉ែចាំបាច់ជាច្រើនផ្សេងទៀត។ ប្រសិនបើអ្នកកំពុងជួបប្រទះបញ្ហាខ្វះគ្រាប់ឈាមក្រហម ចូរបន្ថែមថ្លើមក្នុងរបបអាហារប្រចាំថ្ងៃ។
៤. សូកូឡាខ្មៅ
ជាប្រភពដ៏ល្អបំផុតមួយនៃជាតិដែកនិងប្រូបាយអូទិចដែលមានប្រសិទ្ធិភាពជួយព្យាបាលបញ្ហាខ្វះគ្រាប់ឈាមក្រហម។ ទោះជាយ៉ាងណាត្រូវប្រាកដថា សូកូឡាខ្មៅនោះផ្សំឡើងពីជាតិកាកាវ ៧០%។
៥. សាច់
អ្នកអាចដោះស្រាយបញ្ហាខ្វះគ្រាប់ឈាមក្រហមបានយ៉ាងឆាប់រហ័សតាមរយៈការទទួលទានសាច់ ជាពិសេសសាច់ក្រហម គឺមានផ្ទុកសម្បូរទៅដោយជាតិដែក។ ទោះជាយ៉ាងណាដើម្បីជាការប្រសើរ អ្នកគួរទទួលទានសាច់លាយជាមួយនឹងបន្លែបៃតងផ្សេងៗ។
៦. ចេក
ចេកជាជម្រើសនៃផ្លែឈើដ៏ល្អបំផុតសម្រាប់អ្នកជំងឺខ្វះគ្រាប់ឈាមក្រហម ដោយវាមានផ្ទុកសម្បូរទៅដោយជាតិដែកដែលជួយបង្កើនការផលិតកោសិកាគ្រាប់ឈាមក្រហម៕
