បញ្ជរហាងកាហ្វេមួយកន្លែងដែលបំរើដោយបុគ្គលិករ៉ូបូត កំពុងត្រូវបានសាកល្បងនៅជិតទីក្រុងតូក្យូ ប្រទេសជប៉ុន ចំពេលមានការយកចិត្តទុកដាក់កាន់តែខ្លាំងឡើងលើការជៀសវាងសេវាកម្មទល់មុខគ្នា ក្នុងអំឡុងពេលមានជំងឺរាតត្បាតកូវិត-19។
ការសាកល្បងរយៈពេល ៣ ថ្ងៃ ដែលបានចាប់ផ្តើមកាលពីថ្ងៃច័ន្ទ គឺជាផ្នែកមួយនៃគម្រោងដើម្បីគាំទ្រដល់សហគ្រិន ដែលគ្រប់គ្រងដោយទីក្រុង Tsukuba ភាគឥសាននៃរដ្ឋធានីតូក្យូ។ នៅពេលដែលអតិថិជនបញ្ជាទិញដោយប្រើកុំព្យូទ័រថេប្លេត កាហ្វេត្រូវបានចែកចាយទៅក្នុងពែងហើយដៃ រ៉ូបូត ផ្ទេរវាទៅបញ្ជរគិតប្រាក់។
ក្រុមហ៊ុនបណ្តាក់ទុនមួយនៅក្នុងទីក្រុងបានអភិវឌ្ឍ រ៉ូបូតប្រភេទនេះ។ អ្នកតំណាងក្រុមហ៊ុន លោក Higuchi Shota និយាយថាលោកសង្ឃឹមថាសេវាកម្មដែលគ្មានទំនាក់ទំនងទាំងនេះ នឹងត្រូវបានប្រើប្រាស់សម្រាប់ការប្រើប្រាស់ផ្សេងៗគ្នាដើម្បីផ្តល់ផលប្រយោជន៍ដល់សង្គមនៅពេលវាប្រឈមមុខនឹងជម្ងឺរាតត្បាត។
ក្រុមហ៊ុនបណ្តាក់ទុនប្រើគ្រឿងបន្លាស់ដែលមានតំលៃថោក ដើម្បីធ្វើឱ្យរ៉ូបូតមានតម្លៃសមរម្យនៅក្នុងវិស័យជាច្រើនដូចជា ការផលិតចំណីអាហារ និងកសិកម្ម។ ក្រុមហ៊ុនសង្ឃឹមថាប្រព័ន្ធនេះក៏នឹងជួយសម្រួលដល់កង្វះខាតកម្លាំងពលកម្មផងដែរ។
