បរទេស៖ ក្រោយការផ្ទុះអណ្ដូងរ៉ែនោះមក បានបណ្ដាលឲ្យកម្មករចំនួន១២នាក់ បានជាប់នៅក្នុងអណ្ដូងរ៉ែនោះ ហើយក្រុមអ្នកជួយសង្រ្គោះចិនបានព្យាយាមជីកកកាយដី ដើម្បីសង្រ្គោះមនុស្ស ឃើញពួកគេនៅមានជីវិត រួចបញ្ជូនទៅកាន់មន្ទីរពេទ្យ។
បើតាមទីភ្នាក់ងារសារព័ត៌មានស៊ីនហួ បានផ្សាយ នៅថ្ងៃទី១៨ ខែមករា ឆ្នាំ២០២១ថា កាលពីថ្ងៃទី១០ ខែមករា ឆ្នាំ២០២១ មានហេតុការណ៍ផ្ទុះអណ្ដូងរ៉ែមួយ នៅក្រុងគីសៀ ខេត្តសាន់ទុង ប្រទេសចិន បានបណ្ដាលឲ្យកម្មករជាច្រើននាក់ជាប់ នៅទីនោះ។ រីឯក្រុមអ្នកជួយសង្រ្គោះបានខិតខំព្យាយាមជួយអ្នកជាប់ នៅក្នុងនោះ។
ប្រភពព័ត៌មាន បានឲ្យដឹងថា ហេតុការណ៍ខាងលើនេះ បានកើតឡើង នឡក្នុងដំណាក់កាលសាងសង់។ ឥឡូវកម្មករជាង៣០០នាក់កំពុងព្យាយាមកាយយកដុំថ្ម និងខួងរូងថ្មីមួយ ដើម្បីចូលទៅកាន់រូងក្រោមដី ជាទីដែលកម្មករកំពុងជាប់ និងបញ្ចេញចោលចំហាយដ៏គ្រោះថ្នាក់។ បើតាមព័ត៌មានបឋម គឺកម្មករចំនួន១២នាក់ នៅមានជីវិត ហើយ១០នាក់ផ្សេងទៀត នៅមិនទាន់ដឹងនៅឡើយ៕
