បើតាមគេហទំព័រ Worldometer បានចេញផ្សាយ កាលពីវេលាម៉ោង៩ និង៣០ព្រឹក ថ្ងៃទី២៣ ខែធ្នូ ឆ្នាំ២០២០ បានឲ្យដឹងថា ក្នុងរយៈពេល២៤ម៉ោង មានករណីឆ្លងថ្មី 596 628នាក់ ធ្វើឲ្យចំនួនអ្នកឆ្លងកូវីដ-១៩ សរុប នៅទូទាំងពិភពលោក បន្ដកើនឡើងដល់ 78 338 106 នាក់ ស្លាប់ 1 722 676នាក់ (ស្លាប់ថ្មី១៣ ០០៨នាក់) និងជាសះស្បើយ 55 100 245នាក់។
ទោះជាយ៉ាងណា រហូតមកដល់ពេលនេះ សហរដ្ឋអាមេរិក នៅតែជាប្រទេស មានអ្នកស្លាប់ និងឆ្លងកូវីដ-១៩ច្រើនជាងគេបំផុត នៅលើពិភពលោក ដោយមានអ្នកឆ្លង បន្ដកើតឡើងដល់ 18 676 286នាក់ (ឆ្លងថ្មី190 738នាក់) ស្លាប់ 330 652នាក់ (ស្លាប់ថ្មី 3 204នាក់) និងជាសះស្បើយ 10 933 404នាក់។ រីឯប្រទេសដែលមានអ្នកឆ្លងច្រើនជាងគេ បន្ទាប់ពីអាមេរិក រួមមាន ឥណ្ឌា ប្រេស៊ីល រុស្ស៊ី និងបារាំង…ជាដើម។
អឺរ៉ុប ជាតំបន់ មានអ្នកឆ្លងជំងឺកូវីដ-១៩លំដាប់លេខ១ នៅលើពិភពលោក ដោយមានអ្នកឆ្លងសរុប កើនដល់ 21 726 025នាក់ (ឆ្លងថ្មី 196 831នាក់) ស្លាប់ 502 293នាក់ (ស្លាប់ថ្មី 5 662នាក់) និងជាសះស្បើយ 10 442 938នាក់។ ប្រទេសមានអ្នកឆ្លងច្រើន នៅក្នុងតំបន់អឺរ៉ុប រួមមាន រុស្ស៊ី បារាំង អ៊ីតាលី អង់គ្លេស អេស្ប៉ាញ និងអាល្លឺម៉ង់…ជាដើម។
អាមេរិកខាងជើង ជាតំបន់ មានអ្នកឆ្លងច្រើនលំដាប់លេខ២ នៅលើពិភពលោក ដោយមានអ្នកឆ្លង សរុប កើនដល់ 21 451 120នាក់ (ឆ្លងថ្មី 209 122នាក់) ស្លាប់ 482 449នាក់ (ស្លាប់ថ្មី3 811នាក់) និងជាសះស្បើយ 13 064 656នាក់។ ប្រទេស មានអ្នកឆ្លងច្រើន នៅក្នុងតំបន់នេះ រួមមាន សហរដ្ឋអាមេរិក ម៉ិកស៊ីក កាណាដា …ជាដើម។
អាស៊ី ជាតំបន់ មានអ្នកឆ្លងកូវីដ-១៩ ច្រើនជាងគេលំដាប់លេខ៣ នៅលើពិភពលោក ដោយមានអ្នកឆ្លងសរុប បន្ដកើនដល់ 19 949 485នាក់ (ឆ្លងថ្មី 88 426នាក់) ស្លាប់ 325 233នាក់ (ស្លាប់ថ្មី 1 451នាក់) និងជាសះស្បើយ 18 261 706នាក់។ រីឯប្រទេសដែលមានអ្នកឆ្លងច្រើនជាងគេ នៅតំបន់អាស៊ី រួមមាន ឥណ្ឌា អ៊ីរ៉ង់ តួកគី ឥណ្ឌូនេស៊ី អ៊ីរ៉ាក់ បង់ក្លាដែស និងហ្វីលីពីន …ជាដើម។
អាមេរិកខាងត្បូង ជាតំបន់មានអ្នកឆ្លងច្រើន លំដាប់លេខ៤ នៅលើពិភពលោក ដោយមានអ្នកឆ្លងសរុប កើនដល់ 12 602 769នាក់ (ឆ្លងថ្មី 82 216នាក់) ស្លាប់ 351 483នាក់ (ស្លាប់ថ្មី 1 566នាក់) និងជាសះស្បើយ 11 143 317នាក់។ ប្រទេស មានអ្នកឆ្លងច្រើន នៅក្នុងតំបន់នេះ រួមមាន ប្រេស៊ីល អាហ្សង់ទីន កូឡុំប៊ី ប៉េរូ និងឈីលី …ជាដើម។
អាហ្វ្រិក ជាតំបន់ មានអ្នកឆ្លងច្រើន លំដាប់លេខ៥ នៅលើពិភពលោក ដោយមានអ្នកឆ្លងសរុប កើនដល់2 560 363នាក់ (ឆ្លងថ្មី 19 946នាក់) ស្លាប់ 60 153នាក់ (ស្លាប់ថ្មី 518នាក់) និងជាសះស្បើយ 2 153 633នាក់។ ប្រទេសមានអ្នកឆ្លងច្រើន នៅក្នុងតំបន់នេះ រួមមាន អាហ្វ្រិកខាងត្បូង ម៉ូរ៉ុកកូ និងអេហ្ស៊ីប…ជាដើម។
អាសេអានី ជាតំបន់ មានការឆ្លងតិចជាងគេបំផុត នៅលើពិភពលោក ដោយមានអ្នកឆ្លងសរុប 47 623នាក់ (ឆ្លងថ្មី87នាក់) ស្លាប់ 1 050នាក់ និងជាសះស្បើយ 33 289នាក់។ ប្រទេស និងដែនដី នៅក្នុងតំបន់នេះ មានអ្នកឆ្លងច្រើនជាងគេ រួមមាន ប្រទេសអូស្រ្ដាលី, French Polynesia, នូវ៉ែលហ្សេឡង់ដ៍…ជាដើម។
សូមជម្រាបថា វីរុសកូរ៉ូណា ហៅកាត់ កូវីដ-១៩ (Coronavirus Disease 2019 = Covid-19) នេះ បានផ្ទុះឡើងជាលើកដំបូង នៅក្នុងទីក្រុងវូហាន (ចិនអាន៖ អ៊ូហាន) ខេត្តហ៊ូប៉ី នាភាគកណ្ដាល នៃប្រទេសចិន កាលពីអំឡុងខែធ្នូ ឆ្នាំ២០១៩។ រហូតមកដល់ពេល វីរុសនេះ កំពុងតែរាតត្បាលពាសពេញពិភលោក ដោយមានប្រទេស និងដែនដីចំនួន២១៨ កំពុងឆ្លងមេរោគនេះ៕