រាជធានីបាងកក៖ បើតាមសារព័ត៌មានថៃ The Nation Thailand បានចេញផ្សាយ នៅរសៀល ថ្ងៃទី២២ ខែធ្នូ ឆ្នាំ២០២០ថា នៅក្នុងប្រទេសថៃ មានករណីឆ្លងថ្មី នៃកូវីដ-១៩ ចំនួន៤២៧នាក់ ហើយភាគច្រើនបំផុតជាកម្មករចំណាកស្រុក។
សារព័ត៌មានដដែល បានបន្ដថា បើតាមមជ្ឈមណ្ឌលគ្រប់គ្រងស្ថានភានកូវីដ-១៩ ហៅកាត់ CCSA បានរាយការណ៍ថា មានករណីឆ្លងថ្មី នៅថ្ងៃទី២២ ខែធ្នូនេះ ចំនួន៤២៧នាក់ ដោយរួមទាំងអ្នកធ្វើចត្ដាឡីស័ក និងកម្មករចំណាកស្រុក។ ប៉ុន្ដែក្នុងចំណោមករណីឆ្លងថ្មីនេះ គឺភាគច្រើនជាកម្មករចំណាកស្រុក។
ប្រភពព័ត៌មានដដែល បានបន្ដថា ក្នុងចំណោមអ្នកឆ្លងថ្មី នៃកូវីដ-១៩ ទាំង ៤២៧នាក់ មាន ពលករចំណាកស្រុក ចំនួន៣៩៧នាក់ នៅខេត្តសាមុតសាខន។ ករណីនេះបានកើតឡើង ក្រោយការផ្ទុះឡើងវិញជាលើកដំបូង កាលពីចុងសប្តាហ៍មុន នៅឯកន្លែងលក់គ្រឿងសមុទ្រដ៏ធំមួយកន្លែង នៅក្នុងខេត្តនេះ។
អាជ្ញាធរថៃ បានអះអាងថា មានអ្នកឆ្លងកូវីដ-១៩ ជាង ១ ១០០ករណី ភាគច្រើន មកពីប្រទេសមីយ៉ាន់ម៉ា ហើយត្រូវបានក្រុមជំនាញរកឃើញថា «មិនមានរោគសញ្ញាអ្វីទាំងអស់»។ រីឯអាជ្ញាធរថៃបានស្រាវជ្រាវ ឃើញថា មានអ្នកទិញអាហារសមុទ្រជាច្រើន ធ្វើដំណើរ មកពីខេត្តចំនួន២២បានទៅទីនោះ ចន្លោះពីថ្ងៃទី១-១៨ ខែធ្នូ ហើយអ្នកទាំងនោះត្រូវបានអាជ្ញាធរអំពាវនាវឲ្យមកធ្វើតេស្ត ស្វែងរកកូវីដ-១៩ ឲ្យបានឆាប់ជាទីបំផុត។
ជាមួយគ្នានេះ ក្រសួងសុខាភិបាលថៃ ក៏បានកំណត់តំបន់ចំនួន២៨ ក្នុងខេត្តចំនួន១០របស់ប្រទេសថៃ កំពុងប្រឈមនឹងហានិភ័យខ្ពស់ពីជំងឺកូវីដ-១៩។
បើតាមក្រសួងសុខាភិបាលថៃ បានបញ្ជាក់ថា តំបន់ប្រឈមនឹងគ្រោះថ្នាក់ខ្ពស់អំពីកូវីដ១៩នេះ មានចំនួន២៨ ក្នុងខេត្តចំនួន១០ រួមមាន៖
១-រាជធានីបាងកក មាន២តំបន់៖
-ផ្សារ Nuanchan ស្ថិតក្នុងខណ្ឌ Bueng Kum ។
-តំបន់លំនៅឋាន ជិតផ្លូវ Prachachuen ស្ថិតក្នុងខណ្ឌ Bang Sue ។
២-Samut Sakhon
-មណ្ឌលលក់គ្រឿងសមុទ្រ (The Central Shrimp Market)
-ផ្សាររាត្រី (Mahachai Night Market Ton Son)
-ផ្សារ Mae Puang
-ផ្សារ Talay Thai Market
-Mahachai Villa Flea Market
-ផ្សារ Krok Krak Market
-ផ្សារ Kheha Nadi Market
– Mahachai Niwet
-Baan Ua-athon Tha Chin.
៣-ខេត្តSamut Prakan
-ផ្សារលក់គ្រឿងសមុទ្រ Pak Nam ( Pak Nam Seafood Market)
-ហាងលក់គ្រឿងសមុទ្រ នៅក្នុងស្រុក Muang ។
៤-ខេត្ត Nakhon Pathom
– ផ្សារ Tha Sao Flea
-ស្រុក Nakhon Chai Si
៥-ខេត្ត Pathum Thani
-ផ្សារវត្ត Wat Sa Bua Flea ស្ថិតក្នុងស្រុក Thanyaburi ។
-flea market ស្ថិតក្នុង Nong Sua
៦-ខេត្ត Phra Nakhon Si Ayutthaya
-ផ្សារភូមិ Bang Si Thong
-ចំណតម៉ូតូឌុប នៅជិតស្ពាន Chiang Rak Noi Bridge ស្ថិតក្នុងស្រុក Bang Pa-in ។
៧-ខេត្ត Saraburi
– ភោជនីយដ្ឋានឆ្លាំងក្ដៅ (A hot pot restaurant) ស្ថិតក្នុងស្រុក Nong Khae ។
-ផ្សារក្នុងស្រុក Muang
៨-ខេត្ត Suphanburi
-ផ្សារគ្រឿងសមុទ្រ ស្ថសិតក្នុង Song Phi Nong និងស្រុក Bang Pla Ma។
៩-ខេត្តUttaradit
-ផ្សារចំនួន៣ នៅក្នុងស្រុក Muang ។
១០-ខេត្ត Chiang Mai
-ហាងកែសម្ពស្សមួយស្ថិតក្នុងស្រុក Mae Ai ។
-ចំណតរថយន្ដក្រុង Bangkok-Ban Tha Ton ៕
