រាជធានីបាងកក៖ អាជ្ញាធរថៃ បានអនុញ្ញាតឲ្យក្រុមហ៊ុនបម្រើផ្នែកសេវាសាធារណៈ ចាប់ផ្ដើមដំណើរការទូកប្រើប្រាស់ប្រព័ន្ធអគ្គិសនី ដឹកភ្ញៀវទេសចរ ចាប់ពីថ្ងៃទី២៦ ខែវិច្ឆិកា ឆ្នាំ២០០២ នៅតាមព្រែក Phadung Krung Kasem នាទីក្រុងបាងកក។
ក្រុមហ៊ុន Krungthep Thanakom Co Ltd ជាក្រុមហ៊ុនប្រតិបត្ដិការលើសេវាសាធារណៈ បានថ្លែង នៅថ្ងៃសុក្រ ទី២០ ខែវិច្ឆិកា ឆ្នាំ២០២០ ថា ក្រុមហ៊ុនទទួលបានជោគជ័យ លើសកម្មភាពដាក់ឲ្យដំណើរការនូវទូកទេសចរណ៍ ប្រើប្រព័ន្ធអគ្គិសនី ចំនួន៧ នៅក្នុងព្រែ Phadung Krung Kasem នាទីក្រុងបាងកកក។ ក្រុមហ៊ុន បានសាកល្បងទូកប្រភេទនេះ ដោយមិនមានដឹកភ្ញៀវ នៅក្នុងសប្ដាហ៍នេះ។
ក្រុមហ៊ុន បានបញ្ជាក់ថា ទូកប្រើប្រព័ន្ធអគ្គិសនី ចំនួន៧ នឹងបើកដំណើរការលើសេវាសាធារណៈ ដឹកភ្ញៀវ ចាប់ពីថ្ងៃទី២៦ ខែវិច្ឆិកា ឆ្នាំ២០២០ខាងមុខនេះ។ ប៉ុន្ដែការប្រារព្ធពិធី បើកដំណើការសេវាជាផ្លូវការ នឹងចាប់ផ្ដើម នៅថ្ងៃទី២៧ ខែវិច្ឆិកា។ នេះជាការដាក់ឲ្យដំណើរការនូវទូកប្រើប្រាស់ប្រព័ន្ធអគ្គិសនីជាលើកដំបូង នៅក្នុងប្រទេសថៃ៕
