រាជធានីភ្នំពេញ ៖ ក្រោយពីឃើញសេចក្ដីប្រកាសរបស់ផលិតកម្ម ថោន រួចមកធ្វើឱ្យលោក ខេម មានការអាក់អន់ស្រពោនចិត្ដយ៉ាងខ្លាំងរហូតធ្វើឲ្យរូបលោកបានសម្រេចចិត្ដបង្ហោះសំណេរដ៏វែងអន្លាយមួយច្បាប់តបទៅកាន់ម្ចាស់ផលិតកម្ម ថោន វិញ និងធ្វើឲ្យតារាជាច្រើនដួងក្នុងផលិតកម្ម ថោន បានចេញមុខឆ្លើយតបជាហូរហែរ ។ ក្នុងនោះដែរ លោក Rith Omega ដែលជាអ្នកដឹកនាំសម្ដែងក្នុងផលិតកម្ម ថោន ក៏បានបង្ហោះសារមួយឃ្លាថា ៖
«ខ្ញុំអាចនិយាយបានថា ជាមនុស្សម្នាក់ដែលដឹងរឿងច្រើន ដែលនៅពីក្រោយហេតុផលដែលបង ខេម សម្រេចចិត្តចេញពី ថោន ដូចនេះហើយ សូមបងប្អូនមិនដឹងរឿងច្បាស់កុំជេរ ខេម ថាគាត់រមើលគុណអី ឬថាខាងណាខុសអី នៅចាំស្តាប់ទាំងសងខាងសិន។ មានហេតុ បានមានផល ដោយសារតែបញ្ហាមួយចំនួន នៅក្នុងចិត្តដែលមិនអាចដោះស្រាយបាន ការយល់ច្រលំ នឹងមានការអន់ចិត្តគ្នាពីមួយថ្ងៃទៅមួយថ្ងៃ រវាងមេ នឹងបងខេម ទើបបងខេម សម្រេចចិត្តចេញទៅ ទីណាដែលគេមិនអោយតំលៃ កុំនៅយូរពេក ។
រឿងនេះកើតឡើងដោយសារការយល់ច្រលំទាំងសងខាង កុងត្រាបងខេមនៅសល់ ៦ខែចុងក្រោយមែន តែមកពីមុនពេលគាត់ចេញនិយាយគ្នាមិនច្បាស់ បានមានរឿងបែបនេះ! មុនពេលចេញក៏បងខេមបានសុំឈប់ពិតប្រាកដមែន ព្រោះតាមពិតគាត់រកឈប់ជាមួយ ថោន យូរហើយ ក៏ច្រើនដងដែរ តែដោយសារមនោសញ្ចេតនាជាមួយមេ នឹងដឹងគុណមេ បានគាត់នៅតស៊ូនៅបន្តរងចាំដំណោះស្រាយមួយដល់ល្អ។
តាមពិតមេគឺជាមនុស្សល្អ គាត់តែងតែជួយកូនចៅ ស្រលាញ់កូនចៅ ផ្តល់ឱកាសអោយកូនចៅគាត់ ពេលវេលាកាលពី3-4 ឆ្នាំមុន ដែលជាពេលមេនៅកាន់ផ្ទាល់ពិតជាពេលដែលមេបានផ្តល់ភាពកក់ក្តៅដល់កូនចៅទាំងអស់គ្នា នឹងយកចិត្តទុកដាក់ដល់កូនចៅគ្រប់គ្នា ខ្ញុំមានថ្ងៃនេះក៏ដោយសារមេជាអ្នកជ្រោមជ្រែង នឹងផ្តល់ឱកាសដែលដោយសារ Town Production បានមាន Rith Omega។
តែដោយសារមួយរយៈធំនេះ មេគាត់រវល់ជាច្រើនជាមួយការងារគាត់ បានធ្វើអោយបុគ្គលអគតិមួយចំនួនអាងមេបញ្ចេញរឹទ្ធ បញ្ចេញអំណាច បញ្ជាគេឯងទាំងខ្លួនមិនចេះ ចេះតែអែបអប នឹងធ្វើអោយប៉ះពាល់ដល់បុគ្គលិកជាច្រើនទៀត នៅក្នុងក្រុមហ៊ុនទាំងដែលមេមិនបានដឹង ។ ដូចនេះហើយ ខ្ញុំសុំស្នើរដល់មហាជនទាំងអស់គ្នា បើមិនដឹងរឿងច្បាស់ សូមកុំនាំគ្នាជេ រ គេទាំងគ្មានហេតុផល សូមកុំជាន់គេដោយ តែ ស្ករអី ព្រោះខ្ញុំក៏ជា ជន រង គ្រោះ នឹងការដែលគេជាន់ តែ ស្ករ ទាំងមិនដឹងរឿងច្បាស់នេះដែរ» ៕
ដោយ ៖ សំណាង