រាជធានីភ្នំពេញ ៖ សេចក្តីរាយការណ៍បានឱ្យដឹងថា ភ្លៀងលាយឡំ និងខ្យល់ បានធ្វើឱ្យដើមឈើមួយដើមធំ នៅក្នុងស្ថានទូតបារាំង បាក់រលំសង្កត់លើរថយន្តពីរគ្រឿង កំពុងធ្វើចរាចរណ៍លើដងផ្លូវ ជាប់មន្ទីរពេទ្យកាល់ម៉ែត មិនបង្កឲ្យមានរបួសដល់អ្នកជិះនៅក្នុងរថយន្តនោះទេ ។
ហេតុការណ៍នោះបានកើតឡើងកាលពីវេលាម៉ោង១៧និង៣០នាទីល្ងាចថ្ងៃទី០៦ ខែសីហា ឆ្នាំ២០២០ នៅចំណុចក្នុងស្ថានទូតបារាំង ទល់មុខអគារបេះដូងកាល់ម៉ែតផ្លូវលេខ ៨០កែមុនីវង្ស ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
រថយន្តត្រូវរងការខូចខាតដោយសារតែដើមគីនីនដ៏ធំបានធ្លាក់សង្កត់ពីលើ រួមមានរថយន្តម៉ាកហាយឡែនឌ័រពណ៌ ប្រផេះ និងរថយន្ត Gx470 ពណ៌ស ។
ក្រោយកើតហេតុ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់ចែងកម្លាំងចុះមកដល់កន្លែងកើតហេតុភ្លាមៗ ដើម្បីជួយសម្រួលចរាចរណ៍ ក៏ដូចជាចាត់ចែងផ្នែកជំនាញ ដើម្បីអាកាត់មែកឈើទាំងនោះ ដើម្បីសម្រួលចរាចរឡើងវិញផងដែរ ៕