ខេត្តក្រចេះ ៖ ប្តីប្រពន្ធ១គូដែលជាមុខសញ្ញាជួញដូរ និងរក្សាទុកគ្រឿងញៀនដោយខុសច្បាប់ត្រូវបានកម្លាំងជំនាញនៃអធិការដ្ឋាននគរបាលស្រុកពញាក្រែក សហការជាមួយកម្លាំងជំនាញ នៃអធិការដ្ឋាននគរបាលស្រុកស្នូល ខេត្តក្រចេះ ឃាត់ខ្លួន កាលពីថ្ងៃទី៣១ ខែកក្កដា ឆ្នាំ២០២០ នៅចំណុចភូមិជើងឃ្លេ ឃុំ២ធ្នូ ស្រុកស្នូល ខេត្តក្រចេះ ។
ជនសង្ស័យទាំង០២នាក់រួមមានទី១-ឈ្មោះ ញ៉ែម ស្រេង ភេទប្រុស អាយុ៣០ឆ្នាំ ជនជាតិខ្មែរ ត្រូវជាប្ដី និងទី២-ឈ្មោះ សឹម គឹមសេង ភេទស្រី អាយុ៣១ឆ្នាំ ជនជាតិខ្មែរ ត្រូវជាប្រពន្ធ រស់នៅភូមិ-ឃុំកើតហេតុខាងលើ ។
តាមប្រភពសមត្ថកិច្ចបានដកហូតវត្ថុតាងរួមមាន ម្សៅក្រាមពណ៌សជាថ្នាំញៀនចំនួន០៣កញ្ចប់, ជញ្ជីងអេឡិចត្រូនិក០១គ្រឿង និងឧបករណ៍មួយចំនួនទៀត ។ បច្ចុប្បន្នជនសង្ស័យរួមនឹងវត្ថុតាងត្រូវបានបញ្ជូនទៅអធិការដ្ឋានស្រុកពញាក្រែក ដើម្បីកសាងសំណុំរឿងចាត់ការបន្តតាមនីតិវិធី ៕