ទីក្រុងម៉ានីល ៖ វេជ្ជបណ្ឌិត និងគិលានុបដ្ឋាយិកា នៃប្រទេសកាហ្វីលីពីនជាង១លាននាក់ដែលកំពុងប្រឈមនឹងផលវិបាកក្នុងកាប្រយុទ្ធប្រឆាំងនឹងជំងឺឆ្លងកូវីដ១៩បានជំរុញឱ្យប្រធានាធិបតី រ៉ូឌ្រីហ្គោ ឌូទើតេ នៅថ្ងៃសៅរ៍នេះឱ្យរៀបចំឡើងវិញនូវការចាក់សោបិទប្រទេស និងជុំវិញទីក្រុងម៉ានីល ។ នេះបើយោងតាមប្រភពពីទីភ្នាក់ងារសារព័ត៌មាន Reuters ដែលបានចេញផ្សាយនៅរសៀលថ្ងៃទី០១ ខែសីហា ឆ្នាំ២០២០ នេះ ។
នៅក្នុងការអំពាវនាវពីអ្នកជំនាញផ្នែកវេជ្ជសាស្ត្រដើម្បីទប់ស្កាត់វីរុសនេះ ក្រុមចំនួន៨០ដែលតំណាងឱ្យវេជ្ជបណ្ឌិត ៨០,០០០ នាក់ និងគិលានុបដ្ឋាយិកាចំនួន១លាននាក់ បានព្រមានអំពីកំសោយនៃប្រព័ន្ធសុខាភិបាលក្នុងការទប់ស្កាត់ការឆ្លងរាលដាលនៃវីរុសកូវីដ១៩ ដោយមិនមានការត្រួតពិនិត្យតឹងរ៉ឹងនៅក្នុងរាជធានី និងខេត្តក្បែរនោះ ។
ប្រទេសហ្វីលីពីនកាលពីថ្ងៃសុក្របានកត់ត្រាកំណត់ហេតុនៃចំនួនប្រចាំថ្ងៃរបស់អ្នកឆ្លងជំងឺកូវីដ១៩ដ៏ធំបំផុតរបស់ខ្លួន ដោយមានអ្នកឆ្លងចំនួន ៤០៦៣ នាក់ ។
ក្រុមដែលដឹកនាំដោយមហាវិទ្យាល័យគ្រូពេទ្យហ្វីលីពីនបាននិយាយនៅក្នុងលិខិតមួយទៅកាន់ប្រធានាធិបតីថា ៖«បុគ្គលិកសុខាភិបាលរបស់យើងត្រូវបានជួបប្រទះនឹងបញ្ហាប្រឈមដ៏លំបាកជាមួយនឹងជំងឺឆ្លងកូវីដ១៩ដោយមានចំនួនអ្នកជំងឺកើនឡើងជាបន្តបន្ទាប់ ដែលបានបញ្ជូនទៅកាន់មន្ទីរពេទ្យរបស់យើងសម្រាប់ការសង្គ្រោះបន្ទាន់» ។ សេចក្តីថ្លែងការណ៍នោះបានបន្ថែមថា ៖«យើងកំពុងធ្វើសង្គ្រាមចាញ់ជាមួយកូវីដ១៩ហើយ» ៕
ប្រភព ៖ Reuters , ដោយ ៖ សំណាង
