រាជធានីភ្នំពេញ៖ កាលពីព្រឹកថ្ងៃទី២៨ ខែឧសភា ឆ្នាំ២០២០ កីឡាការិនីតៃក្វាន់ដូជើងខ្លាំង ស៊ន សៀវម៉ី បានភ្ជាប់ពាក្យជាមួយនឹងគូស្នេហ៍តាមប្រពៃណី ដោយមានការដឹងឮពីចាស់ទុំទាំងសងខាង ។ តាមរយៈរូបថតដែលគេបង្ហោះនៅបណ្តាញសង្គមហ្វេសប៊ុក នៅមុននេះបន្តិច គេឃើញកីឡាការិនីតៃក្វាន់ដូ ស៊ន សៀវម៉ី បានក្នុងពិធីភ្ជាប់ពាក្យជាមួយកូនកំលោះរូបសង្ហា ឈ្មោះ កែវ ដេវិត ដោយមានចាស់ទុំទាំងសងខាង និងមិត្តភក្ដិចូលរួមយ៉ាងអធិកអធម ។
ក្រោយពីដំណឹង និងរូបភាពរបស់កញ្ញា ស៊ន សៀវម៉ី និងគូដណ្តឹងបានភ្ជាប់ពាក្យរួចមកមហាជនមួយចំនួនបានធ្វើការបញ្ចេញមតិលើបណ្តាលសង្គមយ៉ាងច្រើនបារម្ភខ្លាចថា ពេលមានបញ្ហាក្រោយរៀបការក្នុងនាមជាអ្នកចេះក្បាច់គុនវ៉ែទាត់ធាក់អ៊ីចឹងតើ សៀវ ម៉ី នឹងរំសាយកំហឹងដូចម្ដេចចំពោះស្វាមីពេលខឹងប្ដីម្ដងៗ?
ឆ្លើយតបទៅនឹងបញ្ហានេះ កីឡាការិនីជើងខ្លាំងតៃក្វាន់ដូ ស៊ន សៀវម៉ី បានប្រាប់ឱ្យដឹងថា នាងក៏បានឃើញការបញ្ចេញមតិជាច្រើនពាក់ព័ន្ធនឹងសំណួរនេះដែរ ដោយនាង និងគូដណ្តឹងក៏បានអស់សំណើច ហើយនាងថា ប្រើកម្លាំងបាយតែក្នុងការប្រកួតកីឡាទេ តែក្នុងគ្រួសារនាងមិនប្រើកម្លាំងបាយទេ ៕