តាមការដកស្រង់ចេញផ្សាយពីប្រភពទីភ្នាក់ងារសារព័ត៌មាន AFP ដែលផ្សាយចេញផ្សាយកាលពីថ្ងៃទី២៤ ខែឧសភា ឆ្នាំ២០២០ បានឱ្យដឹងថា តំបន់អាមេរិកខាងត្បូងបានក្លាយទៅជាចំណុចថ្មីដែលផ្ទុះការឆ្លងរីករាលដាលខ្លាំងនៃជំងឺឆ្លង Covid-19 ។
បើតាមការថ្លែងរបស់មន្ត្រីជាន់ខ្ពស់ WHO លោក Mike Ryan បាននិយាយថា តំបន់អាមេរិកខាងត្បូងអាចត្រូវចាត់ទុកជាកន្លែងផ្ទុះរាតត្បាតខ្លាំងថ្មីនៃ COVID-19 ដោយសារបច្ចុប្បន្ននៅតាមបណ្តាប្រទេសនៃតំបន់នេះ កំពុងតែមានការកើនឡើងយ៉ាងឆាប់រហ័សនៃករណីឆ្លង ។ ក្នុងចំណោមប្រទេសនៅអាមេរិកខាងត្បូង គឺប្រេស៊ីលតែម្តងដែលគួរឲ្យបារម្ភជាងគេ ។
សូមជម្រាបផងដែរថា បើយោងតាមទិន្នន័យពីវែបសាយ Worldometers ប្រេស៊ីលឈរនៅលេខរៀងទី២ គឺក្រោមអាមេរិកតែមួយប៉ុណ្ណោះជាប្រទេសដែលមានករណីឆ្លង COVID-19 ច្រើនបំផុតនៅលើពិភពលោក ៕
