កាលពីពេលថ្មីៗកន្លងមកនេះក្រុមហ៊ុនយក្ស Microsoft កំពុងបានប្រកាសផ្តល់រង្វាន់ឱ្យទៅ Hacker រូបណាដែលអាច Hack ចូលលើប្រព័ន្ធផ្នែកសុវត្ថិភាពប្រតិបត្តិការណ៍ Linux OS កែច្នៃរបស់ក្រុមហ៊ុននេះបានក្រុមយក្ស Microsoft នឹងផ្តល់ប្រាក់រង្វាន់ជូនចំនួន១០ម៉ឺនដុល្លារភ្លាមៗ ។
ក្រុមហ៊ុន Microsoft បានបង្កើតប្រព័ន្ធប្រតិបត្តិការណ៍ថ្មីមួយឈ្មោះថា «Azure Sphere OS» ដែលកែច្នៃចេញពី Linux OS ដើម្បីដំណើរការលើឈីបសម្រាប់ Internet of Things (IoT) Platform របស់ខ្លួន ។
គោលបំណងដែលក្រុមហ៊ុនយក្សមួយនេះចង់ឱ្យ Hacker សាកល្បង Hack ចូលផ្នែកសុវត្ថិភាពនៃ Azure Sphere OS របស់ខ្លួនដោយចង់ដឹងអំពីសមត្ថភាព Security របស់ប្រព័ន្ធប្រតិបត្តិការមួយនេះ និងហ៊ានឱ្យប្រាក់រង្វាន់ដល់ទៅ ១០០០០០ដុល្លារប្រសិនបើអាចបំបែកបាន ។ មិនតែប៉ុណ្ណោះក្រុមហ៊ុនទុកពេលឱ្យ៣ខែចាប់ពីថ្ងៃទី១ មិថុនា ដល់ថ្ងៃទី៣១ សីហា ឯណោះ ៕
