បុគ្គលិកក្រុមហ៊ុន Apple នឹងចាប់ផ្តើមធ្វើការនៅការិយាល័យធំរបស់ក្រុមហ៊ុនឆាប់ៗ នេះបើយោងតាមរបាយការណ៍ថ្មីមួយពីទីភ្នាក់ងារព័ត៌មាន Bloomberg ដែលត្រូវបានសារព័ត៌មាន Businessinsider ដកស្រង់ចេញផ្សាយនៅថ្ងៃទី១៣ ខែឧសភា ឆ្នាំ២០២០ ។
ក្រុមហ៊ុន Apple បាននិយាយថា នឹងឱ្យបុគ្គលិកវិលត្រឡប់ចូលធ្វើការនៅការិយាល័យធំរបស់ក្រុមហ៊ុនវិញក្នុងរយៈពេលប៉ុន្មានខែខាងមុខនេះ ។ ការប្រកាសរបស់ក្រុមហ៊ុន Apple ដែលនឹងអនុញ្ញាតិឱ្យបុគ្គលិកចូលធ្វើការក្នុងការិយាល័យរបស់ក្រុមហ៊ុនវិញ ខុសពីក្រុមហ៊ុនបច្ចេកវិទ្យាធំៗផ្សេងទៀតដូចជា Facebook និង Google ដែលឱ្យបុគ្គលិកធ្វើការនៅផ្ទះនៅឡើយ ។
សម្រាប់ក្រុមហ៊ុនយក្ស Facebook នឹងចាប់ផ្តើមបើកការិយាល័យរបស់ខ្លួនឡើងវិញនៅដើមខែកក្កដា រីឯ Google បានប្រាប់ថា បុគ្គលិករបស់ខ្លួនទំនងជានឹងធ្វើការពីផ្ទះរហូតដាច់ឆ្នាំនេះ ឬអាចនឹងវិលត្រឡប់ចូលធ្វើការនៅការិយាល័យបាននៅខែកក្កដា ប្រសិនបើស្ថានភាព Covid-19 អាចគ្រប់គ្រងបាន ៕
ប្រភព ៖ Businessinsider
