ខ្សែប្រយុទ្ធនីហ្សេរីយ៉ា វ័យ៣០ឆ្នាំ ដែលបានផ្លាស់ពីក្លឹបបាល់ទាត់កំពូលចិនស៊ាងហៃហួ កាលពីខែមករា និងមានកិច្ចសន្យាជាមួយក្រុមបិសាចក្រហម Manchester United រហូតដល់ថ្ងៃទី៣១ ឧសភា ។ ក្រុមខ័ណ្ឌកំពូល Premier League សង្ឃឹមថានឹងបើកដំណើរការវិញនៅខែមិថុនាខាងមុខ ប៉ុន្តែស្របពេលនោះដែរក្រមខ័ណ្ឌកំពូល Super League របស់ចិនក៏អាចនឹងចាប់ផ្តើមឡើងវិញផងដែរ ។ នេះបើយោងតាមប្រភពសារព័ត៌មាន bbc ដែលបានចេញផ្សាយកាលពីថ្ងៃទី០៨ ខែឧសភា ឆ្នាំ២០២០ ។
ខ្សែប្រយុទ្ធ Ighalo បានប្រាប់ BBC Sport ថា ៖«ខ្ញុំចង់បញ្ចប់រដូវកាលនេះជាមួយនឹងបិសាចក្រហមប្រសិនបើអាច ។ ខ្ញុំស្ថិតក្នុងទម្រង់លេងល្អអាចរកគ្រាប់បាល់ហើយឥឡូវយើងឈប់ ជាងមួយខែហើយ ។ ខ្ញុំបានផ្តល់ឱ្យអស់ពីសមត្ថភាពហើយសង្ឃឹមថាយើងនឹងត្រលប់មកលេងវិញ ។ ពេលនេះខ្ញុំកំពុងខ្ចីប្រាក់គេដើម្បីអាចបន្តលេងនៅ Man Utd» ។
សូមបញ្ជាក់ផងដែរថា កីឡាកររូបនេះរកបាន៤គ្រាប់ ក្នុង៨ប្រកួតដំបូងសម្រាប់ក្រុម Man Utd រួមទាំងការឈ្នះ ៥-០ នៅ Europa League វគ្គ១៦ក្រុម ចុងក្រោយលើ LASK កាលពីថ្ងៃទី១២ ខែមីនា មួយថ្ងៃមុនរដូវកាល Premier League ត្រូវបានផ្អាក ៕
ប្រភព ៖ BBC
