យោងតាមប្រភពសារព័ត៌មាន Soccer Laduma បានចេញផ្សាយថា ក្លឹបយក្សអ៊ីតាលី Inter Milan បានធ្វើការព្រមព្រៀងជាមួយក្លឹបអ្នកមានបុណ្យ Barcelona លើការផ្ទេរខ្សែប្រយុទ្ធឆ្នើមជួរមុខប្រចាំក្លឹប Inter Milan កីឡាករ Lautaro Martinez ទៅកាន់ទឹកដី Camp Nou នារដូវកាលក្រោយ ។
ក្នុងការចចាររវាងក្លឹបយក្សទាំងពីរ Inter Milan បានទម្លាក់តម្លៃខ្លួនរបស់ខ្សែប្រយុទ្ធជួរមុខរបស់ខ្លួនកីឡាករ Lautaro Martinez ចំនួន៩០លានអឺរ៉ូ ប៉ុន្តែក្លឹបអ្នកមានបុណ្យ Barcelona បានប្រើវិធីសាស្ត្រចាយលុយតិចតែបូកថែមកីឡាករ ពោលគឺហ៊ានឱ្យត្រឹមតែ៦០លានអឺរ៉ូប៉ុណ្ណោះតែបូកបន្ថែមកីឡាករ២រូបជាថ្នូរដោយមានដូចជាកីឡាករ Junior Firpo, Samuel Umtiti, Ivan Rakitic, Arturo Vidal ជាដើម ហើយប្រធានក្លឹប Inter Milan ក៏បានយល់ព្រមជាមួយសំណើរនេះ ។
កីឡាករឆ្នើមជើងស៊ុតសញ្ជាតិអាហ្សង់ទីន Lautaro Martinez បានបង្ហាញទម្រង់លេងយ៉ាងល្អក្នុងនាមជាខ្សែប្រយុទ្ធជួរមុខរបស់ក្លឹបយក្ស Inter Milan ដោយជានិច្ចកាលតែងតែជាប់ជម្រើសដំបូងនៅ Inter ដោយ៦៦ប្រកួតរកបាន ២៥ គ្រាប់ ខណៈនៅក្រុមជម្រើសជាតិពពក.សអាហ្សង់ទីនដែលលេងចាប់ដៃជាមួយ Messi ក៏ធ្វើបានល្អដោយរកបាន ៩ គ្រាប់ក្នុងការបង្ហាញខ្លួន១៧ប្រកួត ៕
ប្រភព ៖ Soccer Laduma