ខេត្តក្រចេះ ៖ បើតាមលោក ហេង រតនា អគ្គនាយកស៊ីម៉ាក់ បានឲ្យដឹងថា នាព្រឹកថ្ងៃទី២២ មេសានេះ ប្រជាពលរដ្ឋដែលដើរទៅបង់សំណាញ់ចាប់ត្រី បានប្រទះឃើញគ្រាប់បែកចង្កោមមួយ នៅភូមិបល្ល័ង្គ ឃុំដំរីផុង ស្រុកឆ្លូង ខេត្តក្រចេះ នាព្រឹកថ្ងៃទី២២ មេសា ២០២០នេះ ។
លោក ហេង រតនា បានបញ្ជាក់ថា គ្រាប់បែកចង្កោមនេះ មានសរុបប្រមាណ៣៤០គីឡូក្រាម និងមានផ្ទុកកូនគ្រាប់បែកចង្កោម ប្រភេទ CBU-46/A ចំនួន៤៤៤គ្រាប់ ហើយមានទម្ងន់សរុប ប្រមាណ៣៤០គីឡូក្រាម ។
បច្ចុប្បន្ន កម្លាំងជំនាញស៊ីម៉ាក់ ដោយមានការចូលរួមពីកម្លាំងនគរបាល និងអាជ្ញាធរមូលដ្ឋាន បាននាំគ្នាទាញលើកយកគ្រាប់បែកចង្កោមនេះ ចេញពីទឹកដោយសុវត្ថិភាព ៕