គូឡាឡាំពួរ ៖ ថ្ងៃទី២៦ ខែមីនានេះ ក្រសួងសុខាភិបាលនៃប្រទេសម៉ាឡេស៊ី បានបញ្ជាក់ថា មន្ត្រីរាជ្យវាំងចំនួន ៧រូប ត្រូវបានធ្វើតេស្ត វិជ្ជមាន សម្រាប់ Covid-19 ហើយបច្ចុប្បន្ន កំពុងទទួលការព្យាបាល នៅមន្ទីរពេទ្យ ក្នុងទីក្រុងគូឡាឡាំពួរ នេះបើតាម malaymail ។
នៅក្នុងសេចក្តីថ្លែងការណ៍មួយរបស់លោក Ahmad Fadil Shamsuddin មន្ត្រីព្រះរាជវាំង បានអោយដឹងថា ព្រះមហាក្សត្រ របស់ប្រទេសម៉ាឡេស៊ី និងម្ចាស់ក្សត្រី បានធ្វើតេស្ត ប៉ុន្តែលទ្ធផលចេញមកគឺ អវិជ្ជមាន ចំពោះ Covid-19 នេះ ។
លោក Ahmad បានមានប្រសាសន៍ថា “ទោះជាយ៉ាងណាក៏ដោយ ក៏ព្រះមហាក្សត្រ និងម្ចាស់ក្សត្រី ឥឡូវកំពុងឃ្លាំមើលដោយការដាក់គង់នៅដាច់ដោយឡែក រយៈពេល១៤ថ្ងៃ ដោយចាប់ផ្តើមពីម្សិលមិញ” ៕
