រាជធានីភ្នំពេញ ៖ កម្លាំងជំនាញមន្ទីរប្រឆាំងគ្រឿងញៀន បានឃាត់ខ្លួន ស្ដ្រីជនសង្ស័យម្នាក់ រួមជាមួយថ្នាំញៀនជាងកន្លះគីឡូក្រាម នៅចំណុចទល់មុខផ្សារដើមគរ ផ្លូវម៉ៅសេងទុង សង្កាត់បឹងសាឡាង ខណ្ឌទួលគោក រាជធានីភ្នំពេញ ។
បើតាមលោក ស្រី សុវណ្ណ នាយករងមន្ទីរប្រឆាំងគ្រឿងញៀន បានអោយដឹងនាព្រឹកថ្ងៃទី២១ មីនា ២០២០នេះថា ជនសង្ស័យដែលឃាត់ខ្លួន មានឈ្មោះ ឃន ស្រីនាង ភេទស្រី អាយុ២៥ឆ្នាំ ជនជាតិខ្មែរ ដោយកម្លាំងជំនាញដកហូតបានសារធាតុញៀន ប្រភេទមេតំហ្វេតាមីន (ICE) ទម្ងន់សុទ្ធ៥៩៨.៨១ក្រាម ។
បច្ចុប្បន្ន ស្ដ្រីជនសង្ស័យ កម្លាំងជំនាញកំពុងសួរនាំ រកមុខសញ្ញាដែលពាក់ព័ន្ធ ដូចជាមេក្លោង បក្ខពួក ៕