ភ្នំពេញ ៖ សេចក្ដីរាយការណ៍បឋម បានឲ្យដឹងថា នៅម៉ោង៦និង២៥នាទីល្ងាចថ្ងៃទី២៥ កុម្ភៈ ២០២០នេះ មាន គ្រោះអគ្គិភ័យមួយករណីទៀតហើយ កំពុងឆាបឆេះផ្ទះប្រជាពលរដ្ឋ យ៉ាងសន្ធោសន្ធៅ នៅខាងក្រោយកន្លែងលក់គ្រឿងចក្រយីហោគូប៊ូតា ស្ថិតក្នុងភូមិ១៧ សង្កាត់ជ្រោយចង្វារ ខណ្ឌដូនពេញ រាជធានីភ្នំពេញ ។
សេចក្តីរាយការណ៍ បានឲ្យដឹងថា នៅពេលនេះ កម្លាំងសមត្ថកិច្ច និងអាជ្ញាធរ កំពុងជួយអន្តរាគមន៍បាញ់ពន្លត់ នៅកន្លែងកើតហេតុ ខណៈមិនទាន់ដឹង ពីមូលហេតុពិតប្រាកដនៅឡើយទេ ។
យ៉ាងណា នៅពេលនេះ មានកម្លាំងសមត្ថកិច្ច និងអាជ្ញាធរ រួមនិងរថយន្តពន្លត់អគ្គិភ័យជាច្រើនគ្រឿងកំពុងជួយអន្តរាគមន៍បាញ់ពន្លត់ផងដែរ ។
ស្រមពេល ដែលនៅលើស្ពានជ្រោយចង្វារ កំពុងតែមានការកកស្ទះចរាចរណ៍យ៉ាងខ្លាំង ដោយសារតែមានហេតុការណ៍ឆេះនៅក្បែរគល់ស្ពានជ្រោយចង្វារ ត្រើយខាងលិចនេះ ។
គិតមកត្រឹមម៉ោង៧និង៣០នាទីយប់ ថ្ងៃដដែលនេះ គ្រោះអគ្គិភ័យខាងលើ ត្រូវបានសមត្ថកិច្ចអន្តគមន៍ បាញ់ទឹកពន្លត់ រលត់ទាំងស្រុងហើយ ៕
ផ្សាយផ្ទាល់÷ តែក្នុងរយៈពេលមួយថ្ងៃ មានករណីអគ្គីភ័យ៣ដង