ថ្ងៃទី១៤ កុម្ភៈ ចំថ្ងៃទិវា នៃសេចក្តីស្រឡាញ់ លោកប្រធានាធិបតី សហរដ្ឋអាមេរិក ដូណាល់ ត្រាំ បានបង្ហោះសារជាសាធារណៈតាមប្រព័ន្ធទ្វីតទ័រ (Twitter) ប៉ុន្មាននាទីមុននេះ ដោយកោតសរសើរ និងអរគុណដល់ប្រទេសកម្ពុជាដែលបានទទួលអនុញ្ញតឲ្យនាវា Westerdam ដែលគេគ្រប់គ្នា មានការភ័យខ្លាចឆ្លងមេរោគកូរ៉ូណា COVID-19 ហើយផ្ទុកអ្នកធ្វើដំណើរចម្រុះចំនួន៤១ជាតិសាសន៍ និងដឹកមនុស្សសរុបជាង ២២០០នាក់ ក្នុងនោះអ្នកដំណើរ១៤៥៥នាក់ និងបុគ្គលិកកប៉ាល់ចំនួន ៨០២នាក់ ចូលចតនៅខេត្តព្រះសីហនុ ។
លោក ដូណាល់ ត្រាំ បានបង្ហោះសារយ៉ាងដូច្នេះថា ៖ «សូមអរគុណដល់ប្រទេសកម្ពុជាដ៏ស្រស់ស្អាត ដែលទទួលអនុញ្ញតឲ្យនាវា Westerdam ចូលចតនៅកំពង់ផែរបស់កម្ពុជា ។ សហរដ្ឋអាមេរិកនឹងចងចាំពីកាយវិការមនុស្សធម៌នេះ» ៕