ប្រទេសចិន ៖ គិតត្រឹមម៉ោង១១និង២០នាទី ព្រឹកថ្ងៃទី២៣ ខែមករា ឆ្នាំ២០២០ នេះ អ្នកស្លាប់បានឡើងដល់ ១៧នាក់ និងចំនួនអ្នកឆ្លងវីរុសផ្លូវដង្ហើមកូរ៉ូណាប្រភេទថ្មី (Coronavirus) បានកើនដល់ ៥៧៥នាក់ហើយ ។
បច្ចុប្បន្ន ក្រៅពីប្រទេសចិន ប្រទេសផ្សេងៗក៏មានការរកឃើញអ្នកឆ្លងវីរុសកូរ៉ូណានេះផងដែរ ដូចជាប្រទេសថៃរកឃើញចំនួណ៤ករណី (ម្នាក់ត្រូវបានសង្គ្រោះ), កូរ៉េខាងត្បូង ១ករណី, ជប៉ុន ១ករណី, និងអាមេរិក ១ករណី ។
ចំណែកឯប្រទេសសិង្ហបុរី ស្ថិតនៅសង្ស័យនៅឡើយមាន៧ករណី, ហ្វីលីពីន សង្ស័យ៤ករណី, និងអូស្ត្រាលី ១ករណីផងដែរ ហើយពួកគេសុទ្ធតែមានប្រភពពីទីក្រុង Wuhan ។
វីរុសផ្លូវដង្ហើមត្រូវបានអាជ្ញាធរចិនប្រកាសពីការរកឃើញដំបូងបំផុត កាលពីថ្ងៃទី៣១ ខែធ្នូ ឆ្នាំ២០១៩ នៅទីក្រុងវូហាន នៃខេត្តហឺប៉ី (Hubei) ភាគកណ្តាលប្រទេសចិន ហើយប្រភពដើម្បីបំផុតនៃការកកើតវីរុស ដែលធ្វើឲ្យប្រព័ន្ធផ្លូវដង្ហើម (សួត) ចុះទន់ខ្សោយខ្លាំងនេះ ត្រូវបានក្រុមជំនាញវេជ្ជសាស្ត្រចិន សង្ស័យថា បានកកើតឡើងនៅក្នុងទីផ្សារលក់គ្រឿងសមុទ្រ ដ៏ល្បីល្បាញមួយប្រចាំទីក្រុង៕