ប្រទេសចិន ៖ គិតត្រឹមម៉ោង០១និង៣៦នាទី រសៀល ថ្ងៃទី២២ ខែមករា ឆ្នាំ២០២០ នេះ អ្នកស្លាប់បានឡើងដល់ ០៩នាក់ និងចំនួនអ្នកឆ្លងវីរុសផ្លូវដង្ហើមកូរ៉ូណាប្រភេទថ្មី (Coronavirus) បានកើនដល់ ៤៤១នាក់ហើយ ។
អង្គការសុខភាពពិភពលោក (WHO) បានប្រកាសរៀបចំកិច្ចប្រជុំបន្ទាន់ នៅក្នុងសប្តាហ៍នេះផងដែរ ដើម្បីពិភាក្សាអំពីវិធានការទប់ស្កាត់ការឆ្លងវីរុសផ្លូវដង្ហើម បានរាលដាលដំបូងចេញពីទីក្រុង វូហាន (Wuhan) នៅចិន ខណៈអាជ្ញាធរចិន បានព្យាយាមបង្ការបន្ថែមទៀត ដើម្បីគ្រប់គ្រងការបន្តរីករាលដាលនៃវីរុសផ្លូវដង្ហើមនេះ ស្របពេលដែលប្រជាជនចិនរាប់រយលាននាក់ បាននិងកំពុងធ្វើដំណើរទៅ-មក កំឡុងពេលបុណ្យចូលឆ្នាំចិន ៕