ជាច្រើនឆ្នាំហើយ ដែលកន្លែងកម្សាន្តនៅប្រទេសថៃ ជាទិសដៅទេសចរណ៍ដ៏ទាក់ទាញសម្រាប់ក្រុមភ្ញៀវទេសចរចិននោះ បានក្លាយជាការទាញ់ទាញខ្លាំងឡើងៗ សម្រាប់ភ្ញៀវទេសចរចិនទាំងនោះ ដែលស្វែងរកការទិញថ្នាំ PrEP ដើម្បីការពារវីរុសហ៊ីវ (HIV) ។
ថ្នាំការពារឆ្លងវីរុស ហ៊ីវ ដែលហៅថា PrEP នេះ អាចកាត់បន្ថយហានិភ័យ នៃការឆ្លងវីរុសហ៊ីវតាមរយៈការរួមភេទមិនប្រើស្រោមអនាម័យ ដោយវាអាចកាត់បន្ថយការឆ្លងវីរុសនេះ បានជាង៩០ភាគរយ ។ នេះបើយោងតាមការសិក្សាស្រាវជ្រាវផ្នែកសុខាភិបាល ។ តម្លៃថ្នាំ PrEP នេះ គឺមានតម្លៃជាង១១៧ដុល្លារ សម្រាប់ថ្នាំ ដែលត្រូវលេបចំនួន១ខែ ។ នេះបើយោងតាមជនជាតិចិនម្នាក់ ដែលបានទៅប្រទេសថៃ កាលពីឆ្នាំមុន ។
ប្រទេសជាច្រើន ផ្តល់អនុសាសន៍ថា ថ្នាំនេះជាអាវុធសម្រាប់ការពារការឆ្លងរាលដាលនៃវីរុសហ៊ីវ ក្នុងចំណោមមនុស្សដែលស្ថិតនៅក្រុម ដែលងាយនឹងឆ្លងហ៊ីវខ្ពស់ ។ ខណៈដែលការិយាល័យគ្រប់គ្រងគ្រឿងញៀននិងចំណីអាហារចិន បានយល់ព្រមចំពោះការប្រើប្រាស់ថ្នាំ PrEP កាលពីឆ្នាំ២០១៥ សម្រាប់ការព្យាបាលមេរោគអេដស៍/ជំងឺអេដស៍ (HIV/Aids) ប៉ុណ្ណោះ ។ ព្រោះវាមិនត្រូវបានយល់ព្រមសម្រាប់ការការពារ មុននោះទេ មានន័យថា ក្រុមវេជ្ជបណ្ឌិតមិនត្រូវបានអនុញ្ញាតឱ្យចេញវេជ្ជបញ្ជាទៅអ្នកដែលគ្មានវីរុសហ៊ីវនោះទេ លុះត្រាតែពួកគេ ត្រូវបានធ្វើតេស្ត រកឃើញវិជ្ជមាននៃវីរុសនេះសិន ៕