ខេត្តសៀមរាប ៖ នៅព្រឹកថ្ងៃទី១២ ខែធ្នូ ឆ្នាំ២០១៩ ការអនុវត្តន៍ដីការបស់សាលាដំបូងខេត្តសៀមរាប សម្រចដកហូតរថយន្ត Luxus 470១គ្រឿង ពណ៌ស្លែ ស៊េរីឆ្នាំ១៩៩៨ យកទៅរក្សាទុកនៅតុលាការខេត្ត ជាបណ្តោះអាសន្ន រង់ចាំការដោះស្រាយតាមផ្លូវច្បាប់។
ប្រតិបត្តិការនេះធ្វើឡើងនៅហាងលក់ទូរស័ព្ទដៃ យីហោ លាង ហៃ ក្នុងភូមិ តាវៀន សង្កាត់សាលាកំរើក ក្រុងសៀមរាប ក្រោមការដឹកនាំសម្របសម្រួលនីតិវិធីដោយលោក ឡុង សារ៉ាត់ អាជ្ញាសាលានៃសាលាដំបូងខេត្តសៀមរាប ដោយមានការចូលរួមពីសំណាក់អាជ្ញាធរមូលដ្ឋាន និងភាគីទាំងសងខាងចូលរួមផងដែរ ។
ការអនុវត្តន៍ដីកានេះ ធ្វើឡើងក្រោយមានពាក្យបណ្តឹងរបស់ម្ចាស់ដើម ដែលអះអាងថា បានជួលរថយន្តនេះអោយគេ អស់រយៈពេលជិតមួយឆ្នាំហើយ ដោយបានភ្ជាប់ប្រព័ន្ធ GPS ។ ក្រោយមក រថយន្តរបស់គាត់ត្រូវបានផ្តាច់ប្រព័ន្ធ GPS នៅពេលនោះ ក្រុមគ្រួសារគាត់ តាមស្វែងរករថយន្តរបស់អស់ជាច្រើនខែ ទើបប្រទះឃើញនៅចំណុច ផ្ទះលក់ទូរស័ព្ទមួយកន្លែង យីហោ លាង ហៃ ។
ហេតុការណ៍នេះបានបង្កឲ្យភ្ញាក់ផ្អើល ត្រង់ថា រថយន្តខាងលើមានម្ចាស់ពីរនាក់ ហើយដោយម្ចាស់មុន និងម្ចាស់ក្រោយ អះអាងថា សុទ្ធតែមានឯកសារគ្រប់គ្រាន់ដូចៗគ្នាទៀត ។
លោក ឡុង សារ៉ាត់ អជ្ញាសាលាអមតុលាការខេត្តសៀមរាប បានចុះអនុវត្តន៍ដីកាតុលាការនេះ បានសម្រេចវាយកម្ទេចសោទ្ធារបង ខណៈម្ចាស់ក្រោយមិនព្រមសហការទេ ។
យ៉ាងណាការអនុវត្តន៍នេះ ដើម្បីឲ្យភាគីសងខាងចូលខ្លួនទៅដោះស្រាយតាមផ្លូវច្បាប់ ម្ចាស់រថយន្តទី២ សម្អាងថា រថយន្តរបស់ខ្លួនស្របច្បាប់ និងមានឯកសារគ្រប់គ្រាន់ ថែមទាំងមានមេធាវីចាំការពារខ្លួនផងនោះ ។
តាមប្រភពពីប្រជាលរដ្ឋបង្ហើបឲ្យដឹងថា ម្ចាស់ហាងលាង ហៃ មានខ្សែធំតាមការបង្ហើបរបស់តុលាការ ប្រសិនបើរកឃើញឯកសារម្ចាស់ហាង ដែលពាក់ព័ន្ធជាមួយរថយន្តខាងលើមិនប្រក្រតី និងប្រឈមផ្លូវច្បាប់ ៕