វីរៈកីឡាការិនី កូនកាត់ខ្មែរ ខាន់ ចេសា នៃប្រភេទកីឡាជឺជីតស៊ូ បានដណ្តើមយកមេដាយមាស១គ្រឿង ក្រោយឈ្នះគូប្រកួតរបស់ខ្លួន នៅវគ្គផ្តាច់ព្រ័ត្រ នាថ្ងៃទី៩ ធ្នូ ២០១៩ ក្នុងព្រឹត្តការណ៍កីឡាស៊ីហ្គេម ដែលកំពុងប្រព្រឹត្តនៅប្រទេសហ្វីលីពីន ។
ខាន់ ចេសា ដែលប្រកួតប្រភេទម្ងន់ក្រោម៤៩គីឡូក្រាម បានយកឈ្នះដៃគូប្រកួតខ្លួនដំបូងឲ្យបោះបង់ការប្រកួត គឺកីឡាការិនី វៀតណាម Duong Thi Thanh Minh ក្នុងពិន្ទុឈ្នះដាច់ ១០០ទល់០ និង បន្តឈ្នះ កីឡាការិនី សឹង្ហបុរី The May Yong ក្នុងពិន្ទុ ១៨ទល់០ ហើយបន្តឡើងមកកាន់វគ្គផ្តាច់ព្រ័ត្រ ជួបជាមួយម្ចាស់ផ្ទះហ្វីលីពីន Napolis Jenna Kaila ។
ជំនួបជាមួយម្ចាស់ផ្ទះ ខាន់ ចេសា ធ្វើបានយ៉ាងល្អ ដោយបានបំបាក់ ម្ចាស់ផ្ទះ ក្រោមសម្លេងហ៊ោរ យ៉ាងកងរំពង ។
នេះជាជោគជ័យថ្មីមួយទៀតហើយ ដែលកីឡាការិនី កូនកាត់ខ្មែរ ខាន់ ចេសា បន្ទាប់ពីនាងធ្លាប់ដណ្តើមយកមេដាយមាស គ្រប់កម្រិត ទាំងពិភពលោក ទាំងអាស៊ី និងថ្នាក់តំបន់ ។
កាលពីថ្ងៃទី២៤ ខែសីហា ឆ្នាំ២០១៨ កីឡាការិនីវ័យក្មេង Jessa Khan បានបង្កើតប្រវត្តិឲ្យកម្ពុជាក្នុងការឈ្នះមេដាយមាសពីព្រឹត្តិការណ៍កីឡាទ្វីបអាស៊ី នៅប្រទេសឥណ្ឌូណេស៊ី ក្នុងប្រភេទកីឡាជឺជិតស៊ូ ប៉ុន្តែមហាជនកម្ពុជាភាគច្រើនតិចណាស់ ដែលស្គាល់ពីប្រវត្តិកីឡាការិនីរូបនេះ ។
តើកញ្ញា ខាន់ ចេសា ជានរណា? ថ្ងៃនេះ KBN សូមលើកយកប្រវត្តិសង្ខេបខ្លះៗរបស់ Jessa Khan មកបង្ហាញជូន ៖
កញ្ញា ខាន់ ចេសា Jessa Khan មានវ័យ១៨ឆ្នាំ កម្ពស់១.៥២ម៉ែត្រ នាងកើតនៅថ្ងៃទី១៦ ខែតុលា ឆ្នាំ២០០១ នៅតំបន់ Corpus Christi រដ្ឋតិចសាស សហរដ្ឋអាមេរិក ។ នាងជាកូនទី២ ក្នុងចំណោមបងប្អូន៦នាក់ ដែលមានឪពុកឈ្មោះ Peter El Khan ដែលជនជាតិខ្មែរ កើតនៅរាជធានីភ្នំពេញ នៃប្រទេសកម្ពុជា និងម្តាយឈ្មោះ April Marie Khan ជនជាតិអេស្ប៉ាញ សញ្ជាតិអាមេរិក ។ លោក Peter El Khan ជាឪពុកបញ្ជាក់ថា ភរិយារបស់លោកមិនមែនជាជនជាតិម៉ិកស៊ីកូទេ ។
លោក Peter El Khan បានប្រាប់ថា កូនស្រីរបស់លោកបានចាប់ហ្វឹកហាត់នៅឆ្នាំ២០១០ ដែលតាំងពីនាងអាយុ៨ឆ្នាំមកម្ល៉េះ ។ បន្ទាប់ពីហ្វឹកហាត់ច្រើនឆ្នាំមក កូនស្រីរបស់លោកក៏បានចូលរួមប្រកួតក្នុងព្រឹត្តិការណ៍តំបន់ អាមេរិក អឺរ៉ុប និងពិភពលោកជាច្រើនរហូតដល់ឆ្នាំ២០១៩នេះ ។
មុនចូលរួមប្រកួតក្នុងព្រឹត្តិការណ៍ដ៏ធំ ប្រចាំទ្វីបអាស៊ីនេះ កញ្ញា ខាន់ ចេសា ធ្លាប់ប្រាប់ថា នាងមានទំនុកចិត្តខ្ពស់ សម្រាប់ការប្រកួតតំណាងឲ្យកម្ពុជា ដោយសំអាងទៅលើបទពិសោធ និងការឈ្នះមេដាយមាសកម្រិតអន្តរជាតិជាច្រើនទៅហើយ ខណៈនាងហ្វឹកហាត់កីឡាមួយនេះអស់រយៈពេលប្រមាណ១០ឆ្នាំ ទៅហើយ ។
សូមលើកយកកំណត់ត្រារបស់កញ្ញា ខាន់ ចេសា Jessa Khan ឆ្នាំ២០១៧ និង២០១៨ ដែលទទួលបានមេដាយមាស ទ្វីបអាស៊ី និងអឺរ៉ុប មកបង្ហាញជូន ដូចខាងក្រោម ៖
(មេដាយនិងពានរង្វាន់របស់ Jessa Khan មិនបាច់និយាយទេ មើលរូបទៅឡើងពេញផ្ទះ)
ឆ្នាំ២០១៧
មេដាយមាស ពីការប្រកួត ជើងឯកទ្វីបអឺរ៉ុប European Championship
មេដាយមាស ពីការប្រកួត ជើងឯកអាមេរិក PAN American Championship
មេដាយមាស ពីការប្រកួត ជើងឯក Las Vegas Open 2X
មេដាយមាស ពីការប្រកួត ជើងឯក San Diego Open 2X
មេដាយមាស ពីការប្រកួត ជើងឯកពិភពលោក Wolrd Championship 2X
មេដាយមាស ពីការប្រកួតជើងឯក Long Beach 2X Gold
មេដាយមាស ពីការប្រកួត ជើងឯក Los Angeles Grand Slam
មេដាយមាស ពីការប្រកួត ជើងឯក No ni World Championship 2X
មេដាយមាស ពីការប្រកួត ជើងឯក JIU JUTSU World League 2X
ឆ្នាំ២០១៨
មេដាយមាស ពីការប្រកួតជើងឯក Los Angeles Open 2X
មេដាយមាស ពីការប្រកួតជើងឯក Tap Out Cancer
មេដាយមាស ពីការប្រកួតជើងឯក Gracie National
មេដាយមាស ពីការប្រកួតជើងឯក JIU JUTSU World League 2X
មេដាយមាស ពីការប្រកួតជើងឯក FIVE Gold
មេដាយមាស ពីការប្រកួតជើងឯក PAN American Championship 2x
មេដាយមាស ពីការប្រកួតជើងឯក San Diego Open 2X Gold
មេដាយមាស ពីការប្រកួតជើងឯក World Champioship Gold
មេដាយមាស ពីការប្រកួតជើងឯក American National Gi & No Gi
មេដាយមាសកីឡាទ្វីបអាស៊ី Asian Games 2018
