បុរសអ្នកសុំទានម្នាក់ អះអាងថា រូបគាត់មានជំងឺបាក់ទឹកចិត្ត Depression ជ្រើសរើសមិនសម្លាប់ខ្លួនមកជាការដើរសុំទាន ។ ការដើរសុំទាននោះទៀតសោទ គឺសុំតែស្រាបៀរ បារី និងទឹកក្រូច តែប៉ុណ្ណោះ ។
បើតាមហ្វេសប៊ុកផេកមួយឈ្មោះ «KSR Printing» បានបង្ហោះវីដេអូឃ្លីបដំបូងគេកាលពីថ្ងៃទី៧ ធ្នូ ២០១៩ អោយដឹងថា នៅពេលដែលបុរស២នាក់អង្គុយលេងកម្សាន្តនៅកោះពេជ្រ ក៏បានជួបបុរសស្មូមម្នាក់ ដោយក្តីអាណិតអាសូរក៏បានអោយទានទៅបុរសស្មូមនោះ ស្រាប់តែបុរសស្មូមនោះ ជូនពរថា សុំអោយ៖ ទី១ ឯករាជ្យនៃការគិត, ទី២ សណ្ដាប់ធ្នាប់ចិត្ត, និងទី៣ វិន័យអារម្មណ៍ ។
យោងតាមពាក្យសម្តីក្នុងវីដេអូឃ្លីប ការជូនពរទាំង៣នេះ ធ្វើអោយបុរស២នាក់ដែលជាម្ចាស់ទាន មិនទាន់យល់ទេរហូតទាមទារអោយបុរសស្មូមធ្វើការបកស្រាយនូវពាក្យ «មានការលក្ខណៈឯករាជ្យគំនិត សណ្ដាប់ធ្នាប់ចិត្ដ និងវិន័យអារម្មណ៏» បុរសសុំទានរូបនេះ ក៏បានធ្វើការបកស្រាយអត្ថន័យនៃពាក្យជូនពរនេះថា ៖
-ទី១ (ឯករាជ្យគំនិត) គឺជាការចាប់ផ្ដើមមានភាពជឿជាក់នៅលើខ្លួនយើងឡើងវិញ ហើយយើងមិនត្រូវឲ្យអ្វីៗទាំងអស់ មកជំពាក់ជំពិនជាមួយការគិតរបស់យើង ដែលយើងមិនដឹងថា ត្រូវធ្វើអី ឬមិនត្រូវធ្វើអីនោះទេ ដូច្នេះហើយ ការស្ដាប់ និងការជឿជាក់ ត្រូវបានផ្ដើមពីចិត្ដរបស់យើងមក អោយខួរក្បាល ល្អបំផុតសម្រាប់សតិរបស់យើង ។
-ទី២ (សណ្ដាប់ធ្ឋាប់ចិត្ដ) គឺចិត្ដរបស់មនុស្សម្នាក់ៗ ភាគច្រើនមានភាពឆេវឆៅ ឬក៏គិតអីមិនល្អ ដែលបណ្ដាលធ្វើឲ្យយើងគេងមិនលក់ទេ ក៏ប៉ុន្ដែបើយើងចេះរៀបចិត្ដវិញនោះ ទោះបីយើងត្រូវឆ្នោត ១លានដុល្លារក៏ដោយ ក៏យើងនៅតែអាចធ្វើការរបស់យើង នៅម៉ោងធ្វើការបាននោះដែរ ។
-ទី៣ (វិន័យអារម្មណ៏) បានន័យថា ៖ អារម្មណ៏របស់មនុស្សយើងម្នាក់ៗ ច្រើនតែរវើលរវាយ ក៏ប៉ុន្ដែបើយើងរៀបវាអោយទៅជាវិន័យតែម្ដងនោះ ថាអាញមិនរវើលរវាយនោះ ខ្លាំងអីជាងអាញនោះ ។
បើតាមគណនីហ្វេសប៊ុក KSR Printing ដដែល បានអោយដឹងថា បងប្រុសម្នាក់ ដែលដើរសុំទានគេ មានឈ្មោះ កែវ សុដារ៉ា ត្រូវបានគេដឹងថា ជាមនុស្សដែលមានឪពុកម្តាយជាអ្នកធូរធារ និងធ្លាប់ជាប់អាហារូបករណ៍ រៀននៅប្រទេសចិនក្នុងឆ្នាំ ២០១០ និង២០១៥ រហូតក្លាយជា Chief of business department ។
មិនដឹងថា លោក កែវ សុដារ៉ា ទទួលរងសម្ពាធអ្វីខ្លះទេ រហូតក្លាយខ្លួនទៅជាអ្នកដើរសុំទាននៅតាមទីសាធារណៈ គួរអោយអាណិតអាសូរបែបនេះ សូមទស្សនាវីដេអូខាងក្រោមនេះ៖
https://www.facebook.com/KSR.Printing/videos/2547256915392095