ហ្វីលីពីន ៖ អបអរសាទរ! កីឡាប៉េតង់កម្ពុជា លើវិញ្ញាសា៣ទល់៣ បានឈ្នះមេដាយមាស១គ្រឿងនៅ SEA Games 2019 ក្រោយឈ្នះម៉ាឡេនៅវគ្គផ្តាច់ព្រ័ត្រក្នុងលទ្ធផលពិន្ទុ ១៣ទល់នឹង៤ នារសៀលថ្ងៃព្រហស្បតិ៍ ទី០៥ ខែធ្នូនេះ។
ក្រុមកីឡាការិនីប៉េតង់កម្ពុជា ដែលដណ្ដើមបានមេដាយមាសជូនកម្ពុជាពេលនេះ រួមមានកីឡាការិនី ស្រ៊ាង សុរ៉ាឃីម, ដួង ឌីណា និងអ៊ុន ស្រីយ៉ា ។
តាមរយៈមេដាយមាសនេះ បានធ្វើឲ្យកម្ពុជាហក់មកឈរលេខរៀងទី៧ ក្នុងតារាងមេដាយបណ្ដោះអាសន្នវិញ បន្ទាប់ពីដណ្ដើមបានមេដាយសរុប២២គ្រឿង រួមមាន មេដាយមាស២, ប្រាក់៣, និងសំរឹទ្ធ១៧ ៕
