លោក ដូណាល់ ត្រាំ ប្រធានាធិបតីសហរដ្ឋអាមេរិក នាពេលថ្មីៗនេះ តាមរយៈស្ថានទូតសហរដ្ឋអាមេរិកប្រចាំនៅកម្ពុជា បានផ្ញើសារអបអរសាទរដល់ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសទិវាបុណ្យឯករាជ្យជាតិ ថ្ងៃទី៩ ខែវិច្ឆិកា ។
ប្រធានាធិបតីសហរដ្ឋអាមេរិក បាននិយាយនៅក្នុងសារលិខិតរបស់លោកថា “ខ្ញុំសូមថ្វាយព្រះពរជូនចំពោះព្រះករុណា ព្រះមហាក្សត្រ និងប្រជាជនកម្ពុជានៅក្នុងឱកាសប្រារព្ធខួបលើកទី៦៦ នៃទិវាបុណ្យឯករាជ្យជាតិ នៅថ្ងៃទី៩ ខែវិច្ឆិកា” ។
លោកបានបន្តថា “សហរដ្ឋអាមេរិក ស្ថិតនៅជាមួយប្រជាជនកម្ពុជា ដែលប្រាថ្នាចង់បាន នូវព្រះរាជាណាចក្រ ដែលប្រកបដោយសុខសន្តិភាព វិបុលភាព ប្រជាធិបតេយ្យ និងអធិបតេយ្យភាព” ។
(សារលិខិតខាងលើនេះ បកប្រែក្រៅផ្លូវការ)
ប្រទេសកម្ពុជានឹងប្រារព្វពិធីអបអរសាទរខួប៦៦ឆ្នាំ នៃការបញ្ចប់អាណាព្យាបាលបារាំង (១៩៥៣-២០១៩) នៅថ្ងៃស្អែកនេះ ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ដោយមានការចូលរួមពីមន្ត្រីជាន់ខ្ពស់ សិស្សនិស្សិត និងប្រជាជនរាប់ពាន់នាក់ រួមនឹងមជ្ឈដ្ឋានសង្គមផ្សេងៗ ក៏ដូចជាឯកអគ្គរដ្ឋទូត ដែលប្រចាំនៅកម្ពុជាផងដែរ ៕
