ព្រះសីហនុ, ក្រុងកោះរ៉ុង ៖ គិតមកត្រឹមម៉ោង៥ល្ងាច ថ្ងៃទី២៩ ខែតុលា ឆ្នាំ២០១៩នេះ នៅមិនទាន់មានដំណឹងអ្វីនៅឡើយ ខណៈសមត្ថកិច្ចនៅតែធ្វើបន្តស្វែងរកស្ត្រីជនជាតិអង់គ្លេសមួយរូប ដែលបាត់ខ្លួន នៅលើកោះរ៉ុងនោះ ។
ដោយសារតែការស្វែងរកស្ត្រីជនជាតិអង់គ្លេសឈ្មោះ AMELIA LOUISE អាយុ២១ឆ្នាំ មិនទាន់ឃើញនេះហើយ ឧកញ៉ាទៀ វិចិត្រ បានស្ម័គ្រចិត្តចូលរួមជួយរក ក្នុងនាមជាវិស័យឯកជន ដោយបានបញ្ជូនបុគ្គលិក និងអូប័រចំនួន៦គ្រឿង ដើម្បីរួមចំណែកស្វែងនារីរងគ្រោះ
លោកឧកញ៉ាទៀ វិចិត្រ ក៍បានចុះផ្ទាល់ផងដែរ សហការជាមួយកម្លាំងសម្ថកិច្ចស្វែងរកនាង នៅលើលម្ហសមុទ្រ ដោយរកចេញឆ្ងាយពីឆ្នេរក្បែរកោះ ទៅកាន់តំបន់កោះស្តេច និងតំបន់ឆ្ងាយៗ ពីឆ្នេរកោះរ៉ុង ។
សូមជម្រាបថា គណៈបញ្ជាការឯកភាពក្រុងកោះរ៉ុង ដែលដឹកនាំដោយលោកនួន ប៊ុនថុល ជាអភិបាលក្រុងកោះរ៉ុង ដឹកនាំកម្លាំងចម្រុះ និងមានការចូលរួមពីប្រជានេសាទ នៅក្រុងកោះរ៉ុង ជាច្រើននាក់ បានបែងចែកជា៣ក្រុម គឺក្រុមទី១ រុករកក្នុងព្រៃភ្នំ លើកោះ,ក្រុមទី២ រុករកក្រោមបាតសមុទ្រ ដោយក្រុមអ្នកមុជទឹក និងក្រុមទី៣ ក្រុមរុករកតាមលម្ហសមុទ្រ ។
សូមរម្លឹកថា កាមេរ៉ាសុវត្ថិភាពថតបាន មុនពេលនារីជនជាតិអង់គ្លេសម្នាក់បាត់ខ្លួននៅលើកោះរ៉ុង ។
និង ឃើញតែកាបូបរបស់ស្ត្រីអង់គ្លេសលើផ្ទាំងថ្ម អាជ្ញាធរបន្តស្វែងរក ៤ថ្ងៃហើយគ្មានដំណឹង
