ពោធិ៍សាត់ ៖ សត្វក្របីញីឈ្មោលចំនួន៨ក្បាល របស់ប្រជាកសិករ ត្រូវរន្ទះបាញ់ប្រកាច់ងាប់ភ្លាមៗរដូករណែលនៅក្នុងថ្លុករួមគ្នា ខណៈមេឃមានភ្លៀង និងខ្យល់បក់បោកខ្លាំង ។
គ្រោះធម្មជាតិនេះបានកើតឡើងនៅវេលាម៉ោង៦និង៣០នាទីព្រឹកថ្ងៃទី១២ តុលា ២០១៩នេះ នៅក្នុងភូមិអន្សក្តាម ឃុំស្នាអន្សា ស្រុកក្រគរ ខេត្តពោធិ៍សាត់ ។
យោងតាមសមត្ថកិច្ចមូលដ្ឋាន បានឲ្យដឹងថា សត្វក្របីទាំង០៨ក្បាល ដែលត្រូវរន្ទះបាញ់ងាប់នោះជារបស់លោក ស៊ិន សាអុល អាយុ ៤៧ឆ្នាំ មានទីលំនៅបច្ចុប្បន្នភូមិថ្មី ឃុំស្នាអន្សា ស្រុកក្រគរ ខេត្តពោធិ៍សាត់ ។ យ៉ាងណាករណីគ្រោះធម្មជាតិខាងលើនេះ មិនបណ្តាលឲ្យបាត់ជិវិត ឬគ្រោះថ្នាក់ដល់មនុស្សឡើយ ៕
