ខេត្តសៀមរាប ៖ សមត្ថកិច្ចក្រសួងមហាផ្ទៃ សហការជាមួយស្នងការដ្ឋាននគរបាលខេត្តសៀមរាប បានបង្ក្រាបក្រុមចោរប្លន់ ក្នុងក្រុងសៀមរាប ដោយឃាត់ខ្លួនមេខ្លោងបាន២នាក់ ដកហូតអាវុធខ្លី១ដើម ។
ប្រតិបត្តិការនេះបានធ្វើឡើងនៅម៉ោង១យប់រំលងអាធ្រាត្រចូលថ្ងៃ៧ តុលា ២០១៩ ក្នុងក្រុងសៀមរាប ។
ទោះជាយ៉ាង ជនសង្ស័យទាំងពីរ សមត្ថកិច្ចនៅមិនទាន់បង្ហាញអត្តសញ្ញាណនៅឡើយទេ ។
ប្រភពព័ត៌មាន បានបង្ហើបអោយដឹងថា ក្រុមចោរប្លន់ដ៍សកម្មនេះ ជាក្រុមលួច ,ប្លន់គាស់ផ្ទះ កាច់សោ កម៉ូតូ ភ្ជង់យកទ្រព្យសម្បត្តិ ប្រជាពលរដ្ឋជាច្រើនករណីមកហើយ ។ ក្រោយឃាត់ខ្លួនមេខ្លោង២នាក់ជាមួយអាវុធខ្លី១ដើមក៏បានដកហូតសម្ភារមួយចំនួនទៀត ។ បច្ចុប្បន្នសមត្ថកិច្ចកំពុងសាកសួរ និងស្រាវជ្រាវបង្ក្រាបបន្តទៀត ៕