រាជធានីភ្នំពេញ ៖ ជនសង្ស័យម្នាក់ ធ្វើសកម្មភាពលួចស្លាកលេខរថយន្តយ៉ាងសកម្ម ត្រូវកម្លាំងសមត្ថកិច្ចឃាត់ខ្លួនបាននៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី៦ តុលា ២០១៩ ។
ប្រភពពីនគរបាលប៉ុស្តិ៍ភ្នំពេញថ្មី បានអោយដឹងថា ជនសង្ស័យឈ្មោះ កែវ សុខុម ភេទប្រុស អាយុ២៤ឆ្នាំ ស្នាក់នៅបន្ទប់ជួល ក្នុងភូមិផ្សារតូច សង្កាត់ទួលសង្កែ១ ខណ្ឌឬស្សីកែវ ។
មុននឹងឈានដល់ការឃាត់ខ្លួន កន្លងមក ជនសង្ស័យខាងលើ តែងតែធ្វើសកម្មភាពលួចស្លាកលេខរថយន្ត របស់ជនរងគ្រោះ ជាក់ស្តែងកាលពីថ្ងៃទី៦ ខែតុលា ជនសង្ស័យបានមកលួចស្លាកលេខរថយន្ត ត្រូវម្ចាស់គេឃើញទាន់ ក៏រាយការណ៍មកសមត្ថកិច្ចប៉ុស្តិ៍ភ្នំពេញថ្មី ចុះទៅឃាត់ខ្លួនបានភ្លាមៗ ។
ជនសង្ស័យ(មានសារធាតុញៀន) បច្ចុប្បន្ន ត្រូវឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕