ខេត្តស្ទឹងត្រែង ៖ កាលពីយប់ថ្ងៃទី០២ ខែតុលា ឆ្នាំ២០១៩ កម្លាំងជំនាញ”ក៩” នៃមន្ទីរប្រឆាំងគ្រឿងញៀន សហការជាមួយកំលាំងគ្រឿងញៀនខេត្តស្ទឹងត្រែង និងកំលាំង (BLO) បានបើកកិច្ចប្រតិបត្តិការបង្ក្រាប ករណីជួញដូរគ្រឿងញៀនខុសច្បាប់ ឃាត់ខ្លួនបុរសជនជាតិឡាវម្នាក់ ពាក់ព័ន្ធករណីជួញដូរគ្រឿងញៀនជិត៣គីឡូក្រាម នៅក្បែរច្រកព្រំដែន កម្ពុជា-ឡាវ ត្រពាំងគ្រៀល បន្ទាប់ពីជនសង្ស័យឆ្លងចូលទឹកដីកម្ពុជា ។
ជនសង្ស័យមានឈ្មោះ សា វី ភេទប្រុស អាយុ៣៥ឆ្នាំ ជនជាតិឡាវ មុខរបរកសិករ រស់នៅភូមិឡាក់សៅ ស្រុកខាំកឺប ខេត្តបូ លី ខាំសៃ ប្រទេសឡាវ ។
បច្ចុប្បន្ន ជនសង្ស័យ និងវត្ថុតាង ត្រូវបញ្ជូនទៅកាន់ស្នងការនគរបាលខេត្តស្ទឹងត្រែង ដើម្បីចាត់ការបន្តតាមនីតិវិធី និងកសាងសំណុំរឿងបញ្ជូនទៅតុលាការចាត់ការតាមច្បាប់ ៕
