ព្រៃវែង៖ កម្ពស់ទឹកទន្លេមេគង្គនៅតែបន្តហក់ឡើងគួរអោយកត់សម្គាល់ បង្កអោយផ្ទះសម្បែង ហេដ្ឋារចនាសម្ព័ន្ធជាច្រើននៅក្នុងស្រុកចំនួន ១០ ក្រុង ស្រុក នៃខេត្តព្រៃវែងបានរងនូវការជន់លិច។
![](https://1.bp.blogspot.com/-On0qfggEMDs/XYMWXm9SozI/AAAAAAAAOEY/v5TZwqBt9VcX4GhX5cRuJFSSMSmc171PgCLcBGAsYHQ/s1600/photo_2019-09-19_12-14-44.jpg)
យោងតាមរបាយការណ៍របស់គណៈកម្មការគ្រប់គ្រងគ្រោះមហន្តរាយខេត្ត បានអោយដឹងកាលពីថ្ងៃទី១៨ ខែកញ្ញា ឆ្នាំ២០១៩នេះ បានឲ្យដឹងថា ក្នុងចំណោម ក្រុង ស្រុកទាំង១៣នៃខេត្តព្រៃវែង មានស្រុក ក្រុងចំនួន ១០ បានរងនូវការជន់លិចពីគ្រោះទឹកជំនន់ មានដូចជា÷ស្រុកកំពង់ត្របែក សុីធរកណ្តាល ស្រុកពារាំង ស្រុកពោធិ៍រៀង ស្រុកពាមរក៍ ស្រុកពាមជរ ព្រះស្តេច បាភ្នំ ស្វាយអន្ទរ និងក្រុងព្រៃវែង ស្មើ៤៧ ឃុំ មាន ៣២៤ ភូមិ។ ដោយមាន ប្រជាពលរដ្ឋ រងផលប៉ះពាល់ផ្ទះទឹកលិចចូលក្រោមផ្ទះ ចំនួនសរុបចំនួន ៥,៦៣៤ គ្រួសារ។ និងបានជម្លៀសទៅកាន់ទីទួលសុវត្ថភាពចំនួន១៦៨ គ្រួសារ។ហើយគ្រួសារខ្វះខាតស្បៀចំនួន ៥០៥ គ្រួសារ។ឈឺ៥នាក់។
![](https://1.bp.blogspot.com/-MF-9FdO1W2E/XYMWXYmhjBI/AAAAAAAAOEQ/UoC3tbSrq4MW-s36MWjPOiKzuwGuM8CRgCLcBGAsYHQ/s1600/photo_2019-09-19_12-25-55.jpg)
ប៉ះពាល់ដល់ស្រូវវស្សាចំនួន១១,៤៤៤ ហិកតា និងខូចខាតចំនួន ២៥៨ហិកតា។ មានភូមិចំនួន ៣២៩ ភូមិដែលរងផលប៉ះពាល់ទឹកជំនន់ជន់លិចផ្លូវ។ ផ្លូវកៅស៊ូប្រវែង១០០ម៉ែត្រ។ ប៉ះពាល់ផ្លូវលំប្រវែង ១៤២,០០២ ម៉ែត្រ និងខូចខាតប្រវែង ២៦,៥៦៥ ម៉ែត្រ។ ប៉ះពាល់សាលារៀនចំនួន ៣៩ កន្លែង មណ្ឌលសុខភាព ៣ កន្លែង។ប៉ះពាល់អណ្តូងទឹកចំនួន ៧៦៤ អណ្តូង។ ប៉ះពាល់បង្គន់អនាម័យចំនួន ៥៥០ បង្គន់។ប៉ះពាល់ប្រឡាយនិងទំនប់ប្រវែង ២០២, ៧៩៧ ម៉ែត្រ និងខូចខាតប្រវែង៣០០ម៉ែត្រ។
![](https://1.bp.blogspot.com/-E-M-U1YR0E4/XYMWYY2HESI/AAAAAAAAOEg/eZQjYmLK2tU0RbaHYl7BVueaX9fiOkMngCLcBGAsYHQ/s1600/photo_2019-09-19_12-25-57%2B%25282%2529.jpg)
ទោះបីយ៉ាងណាក្នុងនាមអាជ្ញាធរខេត្តតែងតែចុះពិនិត្យមើលស្ថានភាពទឹកទន្លេមេគង្គជាប្រចាំ។និងបានណែនាំអោយពលរដ្ឋត្រូវមានការប្រុងប្រយ័ត្នអោយបានខ្ពស់។
ព្រមទាំងបានជម្រុញអោយអាជ្ញាធរមូលដ្ឋានបន្ថែមការប្រុងប្រយ័ត្នអោយបានខ្ពស់ ក្នុងការត្រៀមលក្ខណៈ ដើម្បីជួយសង្គ្រោះប្រជាជន មកកន្លែង ទីទួលសុវត្ថិភាព។ ពិសេសតំបន់ដែលគ្រោះថ្នាក់ឬហាមមិនអោយធ្វើដំណើរឆ្លងកាត់ ត្រូវដាក់ស្លាកសញ្ញាសម្គាល់អោយពួកគាត់បានដឹង ហើយអាជ្ញាធរទាំងអស់ ត្រូវដាក់កំលាំងវេនប្រចាំការនៅតាមកន្លែងដែលប្រឈមនឹងការលិចលង់ខ្លាំងដើម្បីធានាសុវត្ថិភាពជូនបងប្អូនប្រជាពលរដ្ឋផងដែរ។ បើតាមការអោយដឹងពីលោកជុំ សុភី ប្រធានមន្ទីរធនធានទឹកនិងឧតុនិយមខេត្តព្រៃវែងនៅថ្ងៃទី១៩ ខែកញ្ញានេះថាសម្រាប់កម្ពស់ទឹកកម្រិត ៦.៨៥ ម ស្រកជាងថ្ងៃម្សិលមិញ០.០៧ ម ខណៈកម្រិតប្រកាសអាសន្ន៧,៥០ ម៕
![](https://1.bp.blogspot.com/-qwRNYmsxkuA/XYMWYCms0SI/AAAAAAAAOEc/nl_qiFuS_BAzwa_mzaNzt2ek6Hd2qX7zwCLcBGAsYHQ/s1600/photo_2019-09-19_12-25-56.jpg)
![](https://1.bp.blogspot.com/-GzalYsKe4Mc/XYMWY2gDnjI/AAAAAAAAOEk/Z76WaT4BPDkX4VJNCMTsoQmduBFkAvvCACLcBGAsYHQ/s1600/photo_2019-09-19_12-25-57.jpg)
![](https://1.bp.blogspot.com/-7LtAyVtvfXM/XYMWXbN8zBI/AAAAAAAAOEU/aBTm2Wa_w9cEdWj9YA9kqIMJg6nTANOUwCLcBGAsYHQ/s1600/photo_2019-09-19_12-15-36.jpg)