បាត់ដំបង ៖ រថយន្តបាកុង(អារ៉េវ)ចំនួន១០គ្រឿង ដែលជារថយន្តប្រភេទដឹកឈើហុប ដែលពួករកស៊ីដឹកឈើខុសច្បាប់ លាក់ទុកក្នុងព្រៃ ស្ថិតក្នុងភូមិកញ្ជាំង ឃុំស៊ុង ស្រុកសំឡូត ខេត្តបាត់ដំបង ជាប់ខេត្តពោធិ៍សាត់ និងខេត្តប៉ៃលិន ត្រូវបានកម្លាំងអាវុធហត្ថខេត្តបាត់ដំបង បានបើកប្រតិបត្តិការរុករកឃើញជាបន្តបន្ទាប់ចាប់ពីថ្ងៃទី១ ដល់ថ្ងៃទី២ ខែកញ្ញា ឆ្នាំ២០១៩នេះ ។
ឧត្តមសេនីយ៍ត្រី មាស សុវណ្ណ មេបញ្ជាការអាវុធហត្ថខេត្តបាត់ដំបង បានឲ្យដឹងថា កម្លាំងកងរាជអាវុធហត្ថ បានរុករកឃើញរថយន្តបាកុង(អារ៉េវ) ចំនួន៣គ្រឿង ជាបន្តបន្ទាប់ កាលពីរសៀលថ្ងៃទី០១ និងនៅព្រឹកព្រលឹមថ្ងៃទី០២ ខែកញ្ញា បានរកឃើញរហូតបានចំនួន១០គ្រឿង ។
ក្រៅពីរកឃើញរថយន្ត សមត្ថកិច្ចមិនបានរកឃើញជនសង្ស័យជាម្ចាស់ ឬតៃកុងរថយន្ត និងវត្ថុតាងជាឈើដែលអាចបញ្ជក់ថា រថយន្តខាងលើជារថយន្តក្រុមហ៊ុន ឬរបស់អ្នកណាឡើយ ៕