ភ្នំពេញ៖ចាប់ផ្តើមពីស្ពានជ្រោយចង្វាររហូតដល់ផ្សាររាត្រី លាតសន្ធឹងនៅច្រាំងទន្លេប្រវែង ១,៨ គីឡូម៉ែត្រនៃទន្លេសាប កំពង់ផែភ្នំពេញនាពេលខាងមុខនេះ នឹងបង្ហាញជូនក្រុមស្ថាបតិយកម្មដែលជាបែបទំនើបនិងអភិវឌ្ឍន៍ជើនលឿនបំផុតគឺ គម្រោងYuetai Phnom Penh Harbour ។
យោងតាមការដឹង គម្រោងYuetai Phnom Penh Harbour គឺជាគម្រោងកំពុងអភិវឌ្ឍធំជាងគេនៅភ្នំពេញនាពេលបច្ចុប្បន្នរបស់ក្រុមហ៊ុនយៀកថៃអន្តរជាតិ គ្រោងនឹងវិនិយោគសរុបចំនួន ១,៨ ពាន់លានដុល្លារ មានទីតាំងស្ថិតនៅក្នុងខណ្ឌដូនពេញ ដែលរួមបញ្ចូលហិរញ្ញវត្ថុ រដ្ឋបាលនិងទេសចរណ៍ធុរកិច្ច។ ទីតាំងគម្រោងគឺរាប់ចាប់ពីខាងជើងពីស្ពានស្ពានមិត្តភាពកម្ពុជា-ជប៉ុន ខាងត្បូងទៅដល់ទីលានព្រះបរមរាជវាំង គ្របដណ្តប់លើផ្ទៃដី ១១០,០០០ ម៉ែត្រការ៉េ ផ្ទៃដីសាងសង់សរុបមានចំនួន ១,៥ លានម៉ែត្រការ៉េ។ គម្រោងទាំងមូលត្រូវបានបែងចែកជាពីរមុខងារ៖ ពាណិជ្ជកម្ម ការស្នាក់នៅ និងបួនដំណាក់កាលនៃការអភិវឌ្ឍ ក្នុងនោះរួមមានអគារការិយាល័យតំបន់CBD សណ្ឋាគារលំដាប់ផ្កាយប្រាំ ហាងទំនិញនានាដែលជាតំបន់សម្រាប់ពាណិជ្ជកម្មនិងការរស់នៅលំដាប់ខ្ពស់។
ក្រៅពីនោះ ក្រុមហ៊ុនបានចំណាយ ៣០ លានដុល្លារអាមេរិកដើម្បីសាងសង់អគារស្ថានីយនិងអគារកំពង់ផែស្វយ័តភ្នំពេញ។ ដល់ពេលនោះនឹងបើកដំណើរការកប៉ាល់ទេសចរណ៍ ដោយទៅភាគខាងត្បូង អាចទស្សនាទេសភាពទន្លេមេគង្គ និងទៅភាគខាងជើង (ខេត្តសៀមរាប) មើលអង្គរតូចធំ។ ក្នុងពេលដូចគ្នានោះ មានគ្រោងសាងសង់ផ្លូវពាណិជ្ជកម្មដ៏ធំមួយដែលមានទំហំ ១៧.០០០ ម៉ែត្រការ៉េ ដែលក្នុងនោះនឹងមានហាងទំនិញឥតគត់ពន្ធ និងហាងធំៗផ្សេងទៀត ដើម្បីបង្កើនចំនួនមនុស្សពីការទេសចរណ៍ និងការទិញទំនិញ។ ការបញ្ចូលកត្តាវប្បធម៌ ប្រវត្តិសាស្ត្រនិងទេសចរណ៍ជាមួយគ្នានេះ ធ្វើឲ្យគម្រោងក្លាយជាស្ថាបតិយកម្មមួយដែលមានភាពគ្រប់ជ្រុងមុនគេបំផុត ហើយក៏អាចក្លាយជាកន្លែងមួយដែលធ្វើអោយមនុស្សកាន់តែច្រើនបានស្គាល់ប្រទេសកម្ពុជា និង ប្រាសាទអង្គរផងដែល។
ថ្ងៃទី២៣ ខែសីហា ឆ្នាំ២០១៩ ក្រុមហ៊ុន China City Development Group ក្រុមហ៊ុន CRCC Harbour Channel Engineering Bureau Group Co., Ltd. និង ក្រុមហ៊ុន Shanghai Baoye Group Corp., Ltd. បានចុះហត្ថលេខាជាដៃគូកិច្ចសហប្រតិបត្តិការអភិវឌ្ឍន៍នៅតំបន់គម្រោង Yuetai Phnom Penh Harbour ដំណាក់កាលទី២ ជាមួយក្រុមហ៊ុនយៀកថៃអន្តរជាតិ ដែលជាការបើកទំព័រថ្មីមួយសម្រាប់គម្រោងYuetai Phnom Penh Harbour។ ដោយមានការចូលរួមពី WangXiao ក្រុមហ៊ុន China City Development Group ChenWenFeng ក្រុមហ៊ុន CRCC Harbour Channel Engineering Bureau Group Co., Ltd. XuYao ក្រុមហ៊ុន Shanghai Baoye Group Corp., Ltd. លោក Sam Yang ប្រធានក្រុមហ៊ុន យៀកថៃអន្តរជាតិ លោក Wang Bo អនុប្រធានក្រុមហ៊ុន យៀកថៃអន្តរជាតិ និងលោក Lu Xiao Ming អ្នកគ្រប់គ្រងទូទៅគម្រោងYuetai Phnom Penh Harbour របស់ក្រុមហ៊ុនយៀកថៃអន្តរជាតិ ។
យោងតាមកិច្ចព្រមព្រៀងយុទ្ធសាស្ត្រដែលបានចុះហត្ថលេខារួចមក ក្រុមហ៊ុន CRCC Harbour Channel Engineering Bureau Group Co., Ltd. ត្រួវដើរតួយ៉ាងសកម្មក្នុងការធ្វើផែនការ រចនា មូលនិធិ បច្ចេកវិទ្យា សំណង់និងគុណសម្បត្តិនៃខ្សែសង្វាក់ឧស្សាហកម្មទាំងមូល និងត្រូវសកម្មក្នុងការចូលរួមការងាររបស់គម្រោងYuetai Phnom Penh Harbour ដំណាក់កាលទី២ និងដំណាក់កាលទី៤នៃគម្រោងសាងសង់របស់ក្រុមហ៊ុនអន្តរជាតិយៀកថៃ ដើម្ប
យោងតាមការដឹង ក្រុមហ៊ុន China City Development Group គឺជាសហគ្រាសដែលគ្រប់គ្រងដោយរដ្ឋ ការរៀបចំផែនការទីផ្សារអចលនទ្រព្យអាស៊ីអាគ្នេយ៍លើកនេះ ត្រូវបានយល់ថាទីផ្សារអចលនទ្រព្យនៅកម្ពុជានឹងមានទស្សនវិស័យអភិវឌ្ឍន៍យ៉ាងល្អ ព្រមទាំងបានសំរេចកិច្ចសហប្រតិបត្តិការយុទ្ធសាស្ត្រនិងសហការជាមួយក្រុមហ៊ុនយៀកថៃ អន្តរជាតិ ទាំងនេះបង្កើតឡើងគឺដើម្បីរួមគ្នាដាំដុះទីផ្សារអចលនទ្រព្យនៅកម្ពុជា។
ប្រធានក្រុមហ៊ុន យៀកថៃអន្តរជាតិ លោក Sam Yang បាននិយាយថា ជាច្រើនឆ្នាំមកនេះ ក្រុមហ៊ុនយៀកថៃអន្តរជាតិ ជាមួយក្រុមហ៊ុន CRCC Harbour Channel Engineering Bureau Group Co., Ltd. ក្រុមហ៊ុន Shanghai Baoye Group Corp., Ltd. មានមូលដ្ឋានគ្រឹះល្អក្នុងកិច្ចសហប្រតិបត្តិការ ឥឡូវនេះមានការចូលរួមបន្ថែមរបស់ក្រុមហ៊ុន China City Development Group រឹតតែមានការ “ការលើកទឹកចិត្ត” ក្នុងការសាងសង់គម្រោង Yuetai Phnom Penh Harbour ។ ក្រុមហ៊ុនយៀកថៃ អន្តរជាតិ នឹងបន្តបង្កើនប្រសិទ្ធភាពការអភិវឌ្ឍន៍របស់ខ្លួន ធ្វើឱ្យស៊ីជម្រៅនូវកិច្ចសហប្រតិបត្តិការយុទ្ធសាស្ត្ររបស់ភាគីទាំងឡាយ រួមគ្នាកសាងគម្រោងពហុមុខងារ Yuetai Phnom Penh Harbour អោយក្លាយជាកន្លែងសម្គាល់ថ្មីនៅក្នុងរាជធានីភ្នំពេញ។