អត្ថប្រយោជន៍ដ៏អស្ចារ្យរបស់រំដេញ ឬម្តេញ មិនត្រឹមតែជារបស់ពេញនិយមដែលយកវាហូបផ្លែ ព្រោះវាមានរសជាតិឆ្ងាញ់ ហើយវាក៏មានអត្ថប្រយោជន៍ចំពោះសុខភាព ដែលវាក៏ជាឱសថធម្មជាតិព្យាបាលជំងឺបានផងដែរ នេះបើតាមអត្ថបទដោយលោក អ៊ាង សុផល្លែត និងឯកសារយោងពីមជ្ឈមណ្ឌលជាតិស្រាវជ្រាវវេជ្ជសាស្ត្របូរាណ ។
ខាងក្រោមនេះយើងនឹងបង្ហាញលោកអ្នកពីការប្រើប្រាស់ និងអត្ថប្រយោជន៍វាទាំងមូល ៖
ផ្នែកប្រើប្រាស់៖ សម្បក ស្លឹក ផ្លែ។
១-ស្លឹកអាចស្ងោរលាងដំបៅ និងរោគសើរស្បែក។
២– ផ្លែមានម្សៅ និងមានរសជាតិផ្អែម ហូបបាន។ – ផ្លែអាចបញ្ចុះកម្តៅ ធ្វើឲ្យឃ្លានបាយ ជួយឲ្យនោមច្រើន។
កំរិតប្រើ៖ ប្រើពី ១០ ទៅ ២០ក្រាម ក្នុងមួយថ្ងៃ។
ការព្យាបាល ៖ – សម្បកប៉ូវកម្លាំង ហេវហត់ ។ – សម្បកប្រើដាំទឺកកម្តៅឲ្យស្ត្រីទើបនឹងឆ្លងទន្លេផឹក ក្នុងរយៈពេល ១៥ថ្ងៃ ក្រោយពេលសម្រាលរួច ។
វិធីធ្វើម្តេញត្រាំយ៉ាងឆ្ងាញ់ដោយខ្លួនឯង
គ្រឿងផ្សំ៖ ផ្លែម្តេញ ២០០ក្រាម លាងទឹកឲ្យស្អាត, អំបិល ២០០ក្រាម, ទឹក ៨០០ក្រាម, កំបោរក្រហម ២០ក្រាម, ទឺក ៥០០ក្រាម, ស្ករស ៤៥០ក្រាម, ទឹកឃ្មុំ ៥០ក្រាម, ទឹក ៦០០ក្រាម, ក្រឡ ឬប្រអប់សម្រាប់ត្រាំ។ វីធីធ្វើ៖ យកទឹក ៨០០ក្រាម ដាំដាក់អំបិលចូល ដាំឲ្យពុះ រួចទុកឲ្យត្រជាក់។ យកម្តេញដាក់ចូលក្រឡ រួចចាក់ទឹកអំំបិលចូល គ្របត្រាំទុកចោលរយៈពេល ២-៣ថ្ងៃ។
បន្ទាប់មកយកម្តេញដែលត្រាំហើយចាក់ទឹកអំបិលចេញ លាងឲ្យស្អាត ច្របាច់ម្តេញឲ្យរាងបែកល្មម ទុកឲ្យស្រក់ទឹក។ លាយទឹក ៥០០ក្រាមជាមួយកំបោរ កូររលាយឲ្យសព្វ ហើយដាក់ម្តេញចូលត្រាំទុកមួយឡែក។ បន្ទាប់មកដាក់ទឹក ៦០០ក្រាម ដាំដាក់ស្ករស និងទឹកឃ្មុំចូល កូរចូលគ្នាឲ្យសព្វដាំឲ្យពុះ រួចទុកឲ្យត្រជាក់។ រួចស្រង់ម្តេញចេញទុកឮឲ្យស្រង់ទឹក ដាក់ចូលក្រឡវិញ ហើយចាក់ទឹកស្ករសចូលត្រាំ គ្របទុកចោលរយៈពេល ១-២ថ្ងៃ ជាការស្រេច ៕