ក្រពេះ បានដើរតួនាទីយ៉ាងសំខាន់ក្នុងការរំលាយអាហារ កាលណាបើក្រពះមានបញ្ហានោះការរំលាយអាហារនិងមានការថយចុះ ធ្វើឲ្យសារពាង្គកាយយើងមានសភាពទ្រុឌទ្រោម ចុះខ្សោយ។ ជំងឺក្រពះជាជំងឺមួយដែលពេញនិយមបំផុតដែលក្នុងចំណោម ១០នាក់ យ៉ាងហោចណាស់ក៏មាន២ ទៅ ៣នាក់ដែរមានបញ្ហានេះ។ មានកត្តាជាច្រើនដែលនាំឲ្យកើតជំងឺក្រពះមាន ដូចខាងក្រោម៖
+កត្តាដែលនាំឲ្យកើតជំងឺក្រពះ
-ការញ៉ាំអាហារមិនទៀងពេល
-ភាពតានតឹង ឬ ការស្ត្រេសក៏ជាបញ្ហាដែលបង្ករឲ្យមានជំងឺក្រពះបានដូចគ្នា
-ញ៉ាំអាហារដែលមានជាតិហិល ជាតិជូរ ឬ ប្រៃ ច្រើនពេក
-ការញ៉ាំភេសជ្ជះដែលមានជាតិហ្គាសច្រើន ដែលវាអាចបង្ករអោយមានការរលាកនៅក្នុងក្រពះ
-ការគេងមិនបានគ្រប់គ្រាន់ក៏ជាបញ្ហាដែលបណ្ដាលអោយមានការរលាកផងដែរ
– ការប្រើប្រាស់ថ្នាំពេទ្យរយះពេលយូរ
– ការឆ្លងមេរោគ ឬ ពួកបាត់តេរីដែលបានមកពីការទទួលអាហារដែលមានភាពកង្វក់
– ការពិសារបារីច្រើន ឬ សេពគ្រឿងញៀន។
+រោគសញ្ញាជំងឺក្រពះ
-មានការឈឺចាប់នៅលើផ្សិត ឬ នៅចុងដង្ហើម
-ឈឺពោះមុនពេល ឬ ក្រោយពេលទទួលទានអាហារ
-មានការក្រហាយនៅចុងដង្ហើម ឬ នៅពោះលើផ្សិត
-មានការភើមកជូរ តាអើក
-មានការច្រាល់ហ្គាស់ឡើង
-ចង្អោរ ក្អួត (ខ្លះអាចក្អូតធ្លាក់ឈាមក្រហមយ៉ាងច្រើន)
-ថប់ណែនក្នុងទ្រូង
-តឹងហើមពោះ
-រសាប់រសល់ ដេកមិនលក់ ឈឺក្បាល។
+ការពិនិត្យបញ្ហាក្រពះ
-បញ្ជាក់ចំពោះជំងឺទាក់ទងនិងក្រពះគឺយើងអាចមើលបានដោយ៖
-ការពិនិត្យឈាម ឬ លាមក មើល មេរោគក្នុងក្រពះ
-ការមើលអេកូសាស្ត្រនៅពោះតំបន់ក្រពះ
-មានតែការឆ្លុះក្រពះមួយទេដែលអាចមើលឃើញពីបញ្ហារបស់ក្រពះបានច្បាស់ជាងគេ ដោយអាចមើលឃើញមានការរលាក ដំបៅ មេរោគក្នុង ក្រពះ ឬ មាន ដុំសាច់បាន។
+ការការពារជំងឺក្រពះ
បើអ្នកគិតថាអ្នកមានបញ្ហាក្រពះ សូមជៀសវៀងការពិសារម្ហូបដែលមានជាតិហិរ របស់ខ្លាញ់ ជូរ ម្ហូបផ្អាប់ បន្លែឆៅជាដើម។
-ជៀសរៀងការពិសារបារី ឬ ការផឹកស្រា និង គ្រឿងញៀន
-ប្រុងប្រយ័ត្នក្នុងការប្រើថ្នាំប្រឆាំងការរលាក រឺ ថ្នាំបំបាត់ការឈឺចាប់ ប្រភេទថ្នាំទាំងវាអាចផលប៉ះពាល់ទៅលើក្រពះខ្លាំងខ្លាជាការប្រើថ្នាំផ្សេងៗ
-ញ៉ាំអាហារឲ្យបានទៀងទាត់ពេលវេលា
-ការបន្ថយនៅភាពតានតឹង អាចធ្វើការលំហែរកាយដោយការដើរកំសាន្ត
-ហាត់ប្រាណឲ្យបានទៀងទាត់។
-ការគេងឲ្យបានគ្រប់គ្រាន់។
+ចំពោះការព្យាបាល
ការព្យាបាលគឺដោយតម្រូវអោយធ្វើការតមអាហារមួយចំនួន ការប្រើប្រាស់ថ្នាំដោយវេជ្ជបញ្ជានេះដោយយោងទៅលើការសម្រេចចិត្តរបស់គ្រូពេទ្យក្នុងការព្យាបាល ៕
