ភ្នំពេញ ៖ បន្ទាប់ពីបានឃើញការចុះផ្សាយនៅលើហ្វេសប៊ុករបស់ជនរងគ្រោះឈ្មោះ ថៃ ស្រីនាង ក៏ដូចជាការចុះផ្សាយរបស់សារព័ត៌មានជាច្រើន នៅលើបណ្តាញសង្គម ស្នងការនគរបាលរាជធានីភ្នំពេញ នៅថ្ងៃទី០៨ ខែកក្កដា ឆ្នាំ២០១៩នេះ បានបញ្ជាឲ្យសមត្ថកិច្ចស្រាវជ្រាវ និងទំនាក់ទំនងទៅជនរងគ្រោះ ដើម្បីចាត់ការតាមនីតិវិធី ។
សមត្ថកិច្ច បានអោយដឹងថា ដោយសារតែស្ត្រីរងគ្រោះ ថៃ ស្រីនាង អស់កម្លាំងខ្លាំង មិនអាចចេញពីផ្ទះទៅដាក់ពាក្យបណ្តឹងបាន ទើបស្ត្រីរងគ្រោះសំណូមពរ ឲ្យសមត្ថកិច្ចជួយធ្វើពាក្យបណ្តឹង នៅក្នុងផ្ទះរបស់គាត់ នៅសង្កាត់បឹងកក់១ ខណ្ឌទួលគោក តែម្តង ។
សូមជម្រាបថា លោក ទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និងនេសាទ រាជធានីភ្នំពេញ ត្រូវបានរងចោទប្រកាន់ថាវាយធ្វើបាបស្រីកំណាន់របស់ខ្លួនបណ្តាលឱ្យរងរបួសធ្ងន់។
ការចោទប្រកាន់លោក ទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និងនេសាទ រាជធានីភ្នំពេញ ក្រោយពីការបង្ហោះសារជាសាធារណៈលើបណ្តាញសង្គមរបស់ឈ្មោះ”ថៃ ស្រីនាង លក់ផលិតផល” កាលពីថ្ងៃទី៧ ខែកក្កដា ឆ្នាំ២០១៩។
ថៃ ស្រីនាង លក់ផលិតផល បានបង្ហោះសារថា”លើកនេះទី ១៣០ហើយ ដែលអាថោកទាបនេះវ៉ៃខ្ញុំ ស្អែកខ្ញុំនិងឡាយ វីដេអូ សុំអោយសមត្ថកិច្ច ចាប់ខ្លួនម្នាក់នេះជាបន្ទាន់ ព្រោះខ្ញុំអស់ភាពអត់ធ្មត់ហើយ សូមមេត្តាជួយខ្ញុំផង”។
ថៃ ស្រីនាង បានបញ្ជាក់លោក ទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និងនេសាទ រាជធានីភ្នំពេញដោយសារប្រច័ណ្ឌនិយាយជារួមលោក ទឹម សាវុធ ដូចមនុស្សសសៃប្រសាទអញ្ចឹង ឱ្យតែទើសសម្តីបន្តិចបន្តួច ដឹងតែវ៉ៃ ដឹងតែបោកប្រាស់សម្ភារៈខ្ទិចខ្ទីគ្មានសល់ ហើយលោកទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និងនេសាទ រាជធានីភ្នំពេញបានបោកក្បាលនាងទៅហ្នឹងជ្រុងគ្រែបណ្តាលឱ្យរបួសធ្ងន់។
ពាក់ព័ន្ធករណីនេះ អ្នកសារព័ត៌មានយើងមិនអាចសុំការបកស្រាយពីលោក ទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និងនេសាទ រាជធានីភ្នំពេញបាននៅឡើយទេ ៕
