រាជធានីភ្នំពេញ ៖ កម្លាំងនគរបាលមន្ទីរគ្រឿងញៀន សហការជាមួយកម្លាំងនគរបាលស្នងការរាជធានីភ្នំពេញនិងកម្លាំងនគរបាលខណ្ឌឫស្សីកែវ បានឃាត់ខ្លួននារី២នាក់ ពាក់ព័ន្ធការជួញដូរគ្រឿងញៀនប្រមាណ៧គីឡូក្រាម ។
ប្រតិបត្តិការបង្ក្រាបការជួញដូរគ្រឿងញៀន១ករណីនេះ ធ្វើឡើងកាលពីថ្ងៃទី២៦ ខែឧសភា ឆ្នាំ២០១៩ នៅផ្ទះលេខ៣៦H ក្រុម១៤ ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។
ជនសង្ស័យទាំង២នាក់ ដែលចាប់ឃាត់ខ្លួនមាន ទី១ ឈ្មោះ ហ៊ីម ពៅ ភេទស្រី ជនជាតិខ្មែរ អាយុ២៥ឆ្នាំ និងទី២ ឈ្មោះ ហ៊ីម ជុ អាយុ៣១ឆ្នាំ ជនជាតិខ្មែរ មានទីលំនៅបច្ចុប្បន្ននៅទីតាំងខាងលើ ។
វត្ថុតាងដែលដកហូតបាន មាន ៖ ថ្នាំញៀនប្រភេទម៉េតំហ្វេតាមីន (ទឹកកក) មានទម្ងន់ចំនួន ៧,០៩៤.៥៥ក្រាម ជញ្ជីងថ្លឹងគ្រឿងញៀនចំនួណ២គ្រឿង ទូរស័ព្ទ០៣គ្រឿង និងសម្ភារប្រើប្រាស់ និងវេចខ្ចប់មួយចំនួនទៀត ។
បច្ចុប្បន្នជនសង្ស័យឃាត់ខ្លួនបណ្តោះអាសន្ន នៅមន្ទីរគ្រឿងញៀន នៃអគ្គស្នងការនគរបាលជាតិ ដើម្បីចាត់ការតាមនីតិវិធី ៕