រាជធានីភ្នំពេញ ៖ ជុំវិញបញ្ហាមន្ត្រីរាជការស៊ីប្រាក់ខែរដ្ឋ តែមិនព្រមធ្វើការបម្រើរដ្ឋឲ្យពេញដៃពេញជើង ពោលគឺយកពេលរដ្ឋទៅធ្វើការងារឯកជន ឬរកស៊ីខាងក្រៅ ហើយបើនៅកន្លែងវិញគឺខ្ចិលធ្វើការនោះ ត្រូវបានរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ព្រមានបង្ហោះរូបមន្ត្រីដែលមានតែឈ្មោះហើយអត់ធ្វើការ ដោយរង់ចាំតែបើកប្រាក់ខែក្រសួង នៅលើបណ្ដាញសង្គមហ្វេសប៊ុក ។
លោក ខៀវ កញ្ញារីទ្ធ រដ្ឋមន្ត្រីក្រសួងព័ត៌មាន បានបញ្ជាក់នៅលើហ្វេសប៊ុក នៅថ្ងៃទី២១ ខែឧសភា ឆ្នាំ២០១៩ យ៉ាងដូច្នេះថា «ក្រោយពីមានការរអ៊ូរទាំរបស់មន្ត្រីក្រសួងព័ត៌មាន ក្រសួងព័ត៌មានសុំឲ្យគ្រប់អគ្គនាយកដ្ឋាន បញ្ជូនឈ្មោះ និង រូបថត មន្ត្រីណាខ្លះ ដែលមានតែឈ្មោះ តែបើកប្រាក់ខែ ដើម្បីរួមចំណែកអភិបាលកិច្ចល្អរបស់រាជរដ្ឋាភិបាល ដើម្បីខ្ញុំបង្ហោះរូបអ្នកដែលស៊ីលើកម្លាំងមន្ត្រីក្រសួង» ៕