ភ្នំពេញ ៖ នៅរសៀលថ្ងៃទី២៣ ខែមេសា ឆ្នាំ២០១៩នេះ កម្លាំងសមត្ថកិច្ច បានបញ្ជូនខ្លួនលោក សេង សុភ័ក្រ ម្ចាស់ឃ្លាំងលក់រថយន្តបង់រំលួសយីហោ «សេង ហ៊ួត» ទៅកាន់តុលាការរាជធានីភ្នំពេញ ដើម្បីសាកសួរពាក់ព័ន្ធនឹងករណីរំលោភលើសេចក្តីទុកចិត្ត ទៅលើជនរងគ្រោះជាច្រើននាក់ ។
លោកអគ្គនាយកក្រុមហ៊ុន ឈ្មោះ សេង សុភគ៌ ត្រូវបានប៉ូលិសក្រសួងមហាផ្ទៃចាប់ខ្លួនបានហើយ កាលពីវេលាម៉ោង១រសៀល ថ្ងៃទី២១ ខែមេសា ឆ្នាំ២០១៩ គ្រាដែលរត់គេចចូលទៅក្នុងហាងស៊ុប មួយកន្លែងតាមផ្លូវ២៨៩ សង្កាត់បឹងកក់១ ខណ្ឌទួលគោក រួចវាយខ្នោះ ដឹកបញ្ជូនទៅក្រសួងមហាផ្ទៃ ដើម្បីសាកសួរ ។
ក្រុមហ៊ុន សេង ហួត ទិញលក់ជួលបង់រំលស់រថយន្តគ្រប់ប្រភេទ ដែលមានទីតាំងផ្ទះលេខ៦២៧ ផ្លូវលំ ភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ ។
សូមរម្លឹកថា ចាប់ខ្លួនបានហើយអគ្គនាយកក្រុមហ៊ុន សេង ហួត ដែលបោកប្រាសប្រជាពលរដ្ឋជាច្រើននាក់ ក្រោមរូបភាព ទិញ លក់ ជួល បង់រំលស់រថយន្តគ្រប់ប្រភេទ
