រាជធានីភ្នំពេញ ៖ បន្ទាប់ពីមានករណីរថយន្តធំមួយគ្រឿង បានបើកបរខុសម៉ោងកំណត់ នៅចំណុចស្ទឹងមានជ័យ នាព្រឹកថ្ងៃទី២៦ ខែកុម្ភៈ ឆ្នាំ២០១៩នេះ នៅពេលនេះ អាជ្ញាធរមានសមត្ថកិច្ច បានចាត់វិធានការដោយឃាត់ខ្លួនទាំងអ្នកបើកបរ និងរថយន្ត បញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការតាមផ្លូវច្បាប់ ។
ដើម្បីចូលរួមកាត់បន្ថយការកកស្ទះចរាចរណ៍ក្នុងរាជធានីភ្នំពេញ សូមអ្នកបើកបររថយន្តធុនធំទាំងអស់គោរពនូវម៉ោងពេលដែលបានកំណត់ ក្នុងការធ្វើចរាចរណ៍ នៅតាមដងផ្លូវមួយចំនួនក្នុងរាជធានីភ្នំពេញ ។
សូមជម្រាបថា រថយន្តធុនយក្សដឹកកុងតឺន័រ និងថែមឥវ៉ាន់យ៉ាងសន្ធឹកបន្ធាប់ទៀត បានចូលក្រុងទាំងព្រឹក នៅវេលាម៉ោងជាង៧ ថ្ងៃទី២៦ ខែកុម្ភៈ ឆ្នាំ២០១៩នេះ នៅចំណុចស្ពានអាកាសស្ទឹងមានជ័យ បណ្តាលឱ្យមានការកកស្ទះ និងដោយសាររថយន្តខាងលើធ្វើឱ្យបាក់ដៃស្ពានថែមទៀត ហាក់ដូចជាបម្រាមរបស់សាលារាជធានីគ្មានប្រសិទ្ធភាពអ្វីសោះ ៕
