ព្រៃវែង៖ រសៀលថ្ងៃទី ២២ ខែកុម្ភៈ ឆ្នាំ២០១៩ ឯកឧត្តម ស សុខា សមាជិកគណៈកម្មាធិការកណ្ដាគណបក្សប្រជាជនកម្ពុជា និងជាអនុប្រធានក្រុមការងារថ្នាក់កណ្ដាលចុះជួយខេត្តព្រៃវែងបើកសន្និបាតការងារយុវជនគណបក្សប្រជាជនកម្ពុជា ខេត្តព្រៃវែង ។
នៅក្នុងឱកាសនោះដែ ឯកឧត្តម ស សុខា សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាអនុប្រធានក្រុមការងារថ្នាក់កណ្ដាលចុះជួយខេត្តព្រៃវែង ថ្លែងថា ក្នុងការស្វែងរកចំណុចខ្សោយ ចំណុចប្រឈម ចំណុចខ្លាំង និងដាក់ចេញដំណោះស្រាយ សម្រាប់ឈានទៅជោគជ័យគ្រប់ការបោះឆ្នោតនៅអាណត្តិក្រោយៗ។
ឯកឧត្តម ជំរុញឱ្យសមាជិកអង្គសន្និបាតចូលរួមពិភាក្សាឱ្យបានផុលផុស ដើម្បីធ្វើជាធាតុចូល បូកផ្សំជាមួយការងារដែលសម្រេចបានក្នុងឆ្នាំ២០១៨ កសាងជាផែនការសកម្មភាពសម្រាប់អនុវត្តន៍ក្នុងឆ្នាំ២០១៩ ក្នុងគោលដៅបានជាប្រយោជន៍ដល់យុវជន ប្រជាជន និងសង្គមជាតិទាំងមូល ។
អង្គសន្និបាត និងបិទបញ្ចប់នៅព្រឹកស្អែកក្រោមអធិបតីភាពដ៏ខ្ពង់ខ្ពស់របស់សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារថ្នាក់កណ្ដាលចុះជួយខេត្តព្រៃវែង ។ ទន្ទឹមនឹងនេះ ក៏នឹងមានសន្និសីទសារព័ត៌មានផ្ដល់ឱកាសដល់អ្នកសារព័ត៌មានទទួលបានព័ត៌មានស្ដីពីលទ្ធផលនៃអង្គសន្និបាទទាំងមូល ៕
