ព្រះសីហនុ ៖ គ្រោះថ្នាក់ចរាចរណ៍រវាងរថយន្ដបែនដឹកដីមួយគ្រឿង បានបុកគ្នាជាមួយរថភ្លើង ដែលធ្វើដំណើរពីខេត្តព្រះសីហនុ នៅរាជធានីភ្នំពេញ បណ្ដាលឲ្យក្បាលរថភ្លើង ធ្លាក់ចេញពីលើផ្លូវដែក ចំណែកឯរថយន្ដ រងការខូចខាតធ្ងន់ធ្ងរផងដែរ ។
ហេតុការណ៍ការនេះ បានកើតឡើងនៅព្រឹកថ្ងៃទី១១ កុម្ភៈ ២០១៩នេះ ស្ថិតក្នុងភូមិព្រែកទល់ ឃុំទឹកថ្លា ស្រុកព្រៃនប់ ខេត្តព្រះសីហនុ ។
ក្នុងហេតុការណ៍គ្រោះថ្នាក់នេះ មិនបណ្តាលឲ្យមានអ្នករងគ្រោះឡើយ ប៉ុន្តែរថភ្លើង និងរថយន្ត បានរងការខូចខាត ទាំងសងខាង ផងដែរ ។
ក្រោយកើតហេតុសមត្ថកិច្ចជំនាញ បានចុះទៅដល់កន្លែងកើតហេតុ ដើម្បីដោះស្រាយទៅតាមនីតិវិធី នៅពេលក្រោយ ៕
