ភ្នំពេញ ៖ ស្ថានឯកអគ្គរាជទូតកម្ពុជាប្រចាំប្រទេសថៃ អំពាវនាវដល់ប្រជាពលរដ្ឋកម្ពុជាទាំងអស់ ដែលរស់នៅប្រទេសថៃឲ្យ មានការប្រុងប្រយ័ត្នចំពោះខ្យល់កខ្វក់ដែលគ្របដណ្ដប់ពេញប្រទេសថៃ។
តាមរយៈសេចក្តីជូនដំណឹងចុះថ្ងៃទី៣១ ខែមករា ឆ្នាំ២០១៩ បានឱ្យដឹងថា ដោយសារឥទ្ធិពលខ្យល់កខ្វក់ PM2.5 នៅតំបន់មួយចំនួននៅក្នុងប្រទេសថៃ មានការកើនឡើងជាលំដាប់ ដែលបណ្តាលឱ្យប៉ះពាល់ដល់សុខភាព ខ្យល់កខ្វក់នៅទីក្រុងបាងកក និងខេត្តជាច្រើនដូចជាខេត្ត សាមុទ្រប្រាកាន ខេត្ត សមុទ្រសាខន ខេត្តនន្ទបុរី ខេត្តណាខនប៉ាធុមជាដើម បានធ្លាក់ចុះខ្លាំងដល់កម្រិតគ្រោះថ្នាក់ ដោយមានកម្ទេចធូលីជាច្រើនដែលគេស្គាល់ឈ្មោះថា PM2.5 ដែលភាគល្អិតនៃធូលីដែលមានទំហំតូចជាង ២,៥មីក្រូម៉ែត្រ ហើយត្រូវចាត់ទុកថាមានគ្រោះថ្នាក់បំផុតដោយសារទំហំដ៏តូចរបស់វាអាចចូលជ្រៅទៅក្នុងសួត និងប៉ះពាល់សរីរាង្គផ្សេងទៀត។
ដូច្នេះសូមបងប្អូនដែលកំពុងស្នាក់នៅ និងធ្វើការ នៅក្នុងតំបន់ដែលមានបញ្ហានេះ មេត្តាប្រុងប្រយ័ត្ន និងការពារតាមការណែនាំរបស់អាជ្ញារធរថៃ មេត្តាថែរក្សាសុខភាពឱ្យបានល្អ គឺត្រូវពាក់ម៉ាក់ការពារប្រភេទN95 នៅពេលដែលធ្វើដំណើរ ឬធ្វើការនៅទីវាល ជាពិសេសបងប្អូនពលករខ្មែរដែលធ្វើការ នៅទីក្រុងបាងកក និងតាមបណ្តាខេត្តរងឥទ្ធិពល ។
សូមជម្រាបថា ជិត៤៥០សាលារៀន ត្រូវបិទទ្វារ ខ្យល់ពុលកំពុងគ្រប់ដណ្ដប់ទីក្រុងបាងកក