ភ្នំពេញ ៖ មុននេះបន្តិច កម្លាំងតម្រួតបទបញ្ជា បានចាប់ឃាត់ខ្លួនមន្ត្រីនគរបាលពាក់ផ្កាយមួយម្នាក់ និងមន្ត្រីនគរបាលប្រមាណ៥នាក់ទៀត នៅថ្ងៃទី១០ ខែមករា ឆ្នាំ២០១៩នេះ ស្ថិតនៅផ្លូវ១០១៩ សង្កាត់ទឹកថ្លា ខណ្ឌសែនសខ រាជធានីភ្នំពេញ ។
យ៉ាងណា អ្នកសារព័ត៌មានយើងនៅមិនទាន់មានមូលហេតុច្បាស់លាស់ពីការចាប់ខ្លួនដាក់រថយន្តនេះនៅឡើយទេ ។
បើតាមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បាលថ្លែងប្រាប់ សារព័ត៌មានហ្វ្រេសញ៉ូវថា ៖ ការឃាត់ខ្លួនពួកគេ(ប៉ូលិសផ្នែកខាងប្រឆាំងទំនិញក្លែងក្លាយ) ដោយសារមុនដំបូង ពេលដែលពួកគេចុះទៅនោះ មិនបានសហការជាមួយខាងស្នងការដ្ឋាននគរបាលរាជធានីភ្នំពេញ ក៏បានឲ្យខាងតម្រួតបទបញ្ជា ចុះទៅឃាត់ខ្លួនតែម្តង ប៉ុន្តែក្រោយការសួរនាំ ក៏បានឲ្យត្រឡប់ទៅវិញភ្លាមៗផងដែរ មិនមានរឿងអ្វីនោះឡើយ ។
មន្ត្រីនគរបាលខណ្ឌសែនសុខ បានឲ្យដឹងថា ពិតជាមានការឃាត់ខ្លួនមន្ត្រីនគរបាលទាំងនេះមែន ដោយចាប់ក្រៀកបញ្ជូនឡើងរថយន្តតែម្តង ៕