សៀមរាប ៖ កម្លាំងនគរបាលក្រុងសៀមរាប ក្រោមការដឹកនាំសម្របសម្រួល នីតិវិធីដោយលោក ជួន សុបញ្ញា ព្រះរាជអាជ្ញារងអមសាលាដំបូងខេត្តសៀមរាប បានចុះបង្ក្រាបករណីចែកចាយរូបភាព និងសម្ភារៈអាសអាភាសនៃកុមារ តាមប្រព័ន្ធអ៊ីនធើណិត ក្នុងទីតាំងចំនួន៣ផ្សេងគ្នា ដោយឃាត់ខ្លួនជនជាតិចិន៩នាក់ ។
ការបង្ក្រាបករណីចែកចាយរូបភាព និងសម្ភារៈអាសអាភាសនៃកុមារនេះធ្វើឡើងកាលពីថ្ងៃទី៨ ខែធ្នូ ឆ្នាំ២០១៨ នៅទីតាំងទី១-ផ្ទះលេខE២១បុរីអាក់ខេត ស្ថិតក្នុងភូមិគ្រួស សង្កាត់ស្វាយដង្គំ ឃាត់ខ្លួនម្នាក់ រួមនឹងវត្ថុតាងមួយចំនួន ។ ទី២-ផ្ទះវីឡាជួល ភូមិគ្រួស សង្កាត់ស្វាយដង្គំ ឃាត់ខ្លួន៥នាក់ រួមនឹងវត្ថុតាងមួយចំនួន។ និងទី៣-បន្ទប់លេខ៣០៥ ផ្ទះសំណាក់មហាមាន ក្នុងភូមិទ្រាំង សង្កាត់ស្លក្រាម ឃាត់ខ្លួនមនុស្ស៣នាក់ រួមនឹងវត្ថុតាងមួយចំនួន ។
ជនសង្ស័យជាជនជាតិចិន ទាំង៩នាក់ ដែលឃាត់ខ្លួន មានទី១-ឈ្មោះ PAN ZHIFU ភេទប្រុស កើតឆ្នាំ១៩៨៨ ។ ទី២-ឈ្មោះ HUANG XINFA ភេទប្រុសកើតឆ្នាំ១៩៩៥ ។ ទី៣-ឈ្មោះ HUANG FULONG ភេទប្រុស កើតឆ្នាំ១៩៩១ ។ទី៤-ឈ្មោះ WEI JIBO ភេទប្រុស កើតឆ្នាំ១៩៩៦ ។ ទី៥-ឈ្មោះ GU SHENGFENG ភេទប្រុស កើតឆ្នាំ១៩៩៨ ។ ទី៦-ឈ្មោះ LI WEIMING ភេទប្រុស កើតឆ្នាំ១៩៩៣ ។ ទី៧-ឈ្មោះ PAN XIADONG ភេទប្រុស កើតឆ្នាំ ១៩៨៧ ។ ទី៨ឈ្មោះ PAN ZONGJI ភេទប្រុស កើតឆ្នាំ១៩៨២ និងទី៩-ឈ្មោះDAI GUANGQIANG ភេទប្រុស កើតឆ្នាំ១៩៨៤ ។
បច្ចុប្បន្នជនសង្ស័យទាំង០៩នាក់ ត្រូវបានឃាត់ខ្លួនបណ្តោះអាសន្ន នៅស្នងការដ្ឋាននគរបាលខេត្តសៀមរាប ដើម្បីរៀបចំកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធី ៕
